दह्याचे शरीराला अनेक फायदे देतात. त्याचा सर्वात मोठा फायदा आपल्या पोटाला होतो. दही खाल्ल्याने मेटाबॉलिज्म आणि इम्यूनिटी दोन्ही वाढते. तसेच त्यातील व्हिटॅमिन सी गुणधर्म केस आणि त्वचेची चमक टिकवून ठेवण्यास मदत करतात. म्हणूनच लोक आवर्जून दही खातात.
गेल्या काही वर्षांत योगर्ट खाण्याचा ट्रेंडही झपाट्याने वाढत आहे. बरेच लोक दही आणि योगर्ट एकच मानतात, पण दोघांमध्ये खूप फरक आहे. ते तयार करण्याची पद्धत, चव, पोषक तत्व आणि फायदे एकमेकांपासून खूप वेगळे आहेत. अशा परिस्थितीत, ते खाण्यापूर्वी, दही आणि योगर्टमध्ये नेमका काय फरक आहे हे जाणून घेणं अत्यंत आवश्यक आहे.
दही आणि योगर्टमधील फरक
दही
दही बनवण्यासाठी, नैसर्गिक बॅक्टेरिया (लॅक्टोबॅसिलस) वापरले जाते, जे दूध आंबवतात आणि ते घट्ट, आंबट बनवतात.
त्याची चव थोडीशी आंबट असते आणि त्यात नैसर्गिक बॅक्टेरिया असतात, जे पचनसंस्था निरोगी ठेवण्यास मदत करतात.
भारतीय जेवणात याचा वापर खूप केला जातो - लस्सी, रायता, ताक, कढी या स्वरूपात.
दह्याचे फायदे
दही शरीराची रोगप्रतिकारक शक्ती वाढवतं आणि संसर्गापासून संरक्षण करतं.
दही कोलेस्टेरॉलची पातळी संतुलित करतं.
रक्तदाब नियंत्रित करण्यास मदत करतं.
योगर्ट
दही औद्योगिक पद्धतीने तयार केलं जातं. ज्यामध्ये दुधाला लैक्टोबॅसिलस बल्गेरिकस आणि स्ट्रेप्टोकोकस थर्मोफिलस नावाच्या विशेष प्रकारच्या प्रोबायोटिक बॅक्टेरियांनी आंबवलं जातं.
एकसारखीच चव आणि पोत मिळविण्यासाठी ते एका विशिष्ट तापमानावर तयार केलं जातं.
योगर्टमध्ये अधिक प्रोबायोटिक्स जोडले जातात, जे पचन आणि रोगप्रतिकारक शक्तीसाठी खूप फायदेशीर असतात.
योगर्टचे फायदे
योगर्ट आतड्यांचे आरोग्य आणि रोगप्रतिकारक शक्तीसाठी खूप फायदेशीर आहे.
दुधाची अ‍ॅलर्जी असलेल्या लोकांसाठी योगर्ट सर्वोत्तम आहे.
योगर्टमध्ये असलेले अँटीऑक्सिडंट्स त्वचा आणि केस चमकदार ठेवतात.