बटर जेवणाची चव वाढवते आणि मुलांनाही ते खूप आवडते. हा एक प्रकारचा दुग्धजन्य पदार्थ असल्याने बटर आरोग्यासाठी चांगले की हानिकारक असा प्रश्न पडतो. तज्ज्ञांनी बटर हे आरोग्यासाठी फारसे फायदेशीर मानले नसले तरी ते मर्यादित प्रमाणात सेवन केल्यास नुकसानही होत नाही. बरेच लोक खाण्यापिण्याचा फारसा विचार करत नाहीत. (Cooking Tips) असे बरेचदा दिसून येते की ते दररोज सकाळी त्यांच्या ब्रेड, बटर खातात. तुम्हीही रोज असे करत असाल तर समजून घ्या की तुम्ही हळूहळू अनेक गंभीर आजारांना आमंत्रण देत आहात. दरम्यान, सर्वात गंभीर बाब म्हणजे भेसळयुक्त बटरची विक्री बाजारात मोठ्या प्रमाणात होत आहे. (5 side effects eating adulterated butter fssai share tips to identify real and fake)
जर तुम्ही देखील बटर प्रेमी असाल आणि तुम्हाला अस्सल आणि नकली बटरमधील फरक माहीत असायलाच हवा. भारतीय अन्न सुरक्षा आणि मानक प्राधिकरण (Food Safety and Standards Authority of India (FSSAI) वेळोवेळी खाद्यपदार्थांच्या अस्सलतेबद्दल माहिती देते. (Food Tips)
कॉलेस्ट्रॉल लेव्हल
बटरमध्ये सॅच्युरेटेड फॅट असते. एका चमच्यामध्ये सुमारे सात ग्रॅम चरबी असते. याचे जास्त सेवन केल्याने तुमचे LDL म्हणजेच वाईट कोलेस्ट्रॉल वाढू शकते. वाढलेल्या कोलेस्टेरॉलमुळे एथेरोस्क्लेरोसिस वाढू शकतो आणि रक्ताच्या गुठळ्या, स्ट्रोक आणि हृदयविकाराचा धोका वाढू शकतो.
हृदयरोगाचा धोका
बटर एलडीएल कोलेस्ट्रॉल वाढवू शकते. कारण त्यात सॅच्युरेटेड फॅट असते जे हृदयासाठी धोकादायक असते. त्याच्या अतिसेवनाने हृदयविकाराचा धोका वाढू शकतो. कोलेस्टेरॉल रक्तवाहिन्या अवरोधित करू शकते, ज्यामुळे हृदयविकाराचा धोका वाढण्याची शक्यता असते.
डायबिटीसचा धोका वाढतो
अभ्यास दर्शवितो की जास्त प्रमाणात बटर खाल्ल्याने व्हिसरल फॅट विकसित होण्याची शक्यता वाढते. यामुळे तुमच्या ओटीपोटात अतिरिक्त चरबी जमा होऊ शकते. यामुळे, हृदयविकार, अल्झायमर आणि टाइप 1 मधुमेहासह अनेक गंभीर आजारांचा धोका असू शकतो.
पोटावरची चरबी वाढू शकते
यामुळे पोट आणि आतड्यांमध्ये चरबी जमा होऊ शकते. बटरमध्ये प्रति चमचे 100 कॅलरीज असतात. जेव्हा तुम्ही जास्त खातात, तेव्हा त्यामुळे जलद लठ्ठपणा येऊ शकतो. बटर असल्ल किंवा बनावट असो जास्त प्रमाणात खाणं दोन्ही धोकादायक आहे.
अल्जायमरचा धोका
करंट अल्झायमर रिसर्च मेडिकल जर्नलमधील 2018 च्या अभ्यासानुसार बटरसारख्या अनसॅच्यूरेटेड पदार्थांचे जास्त सेवन अल्झायमर रोग आणि स्मृतिभ्रंश होण्याच्या शक्यतेशी जोडलेले असू शकते. हे तुमच्या पोटावर वाईट परिणाम करू शकते आणि त्यामुळे अतिसार आणि उलट्या देखील होऊ शकतात.
अस्सल आणि बनावट बटर कसं ओळखायचं?
दोन पारदर्शक वाट्या पाण्याने भरा. दोन्हीमध्ये अर्धा चमचा बटर घाला. यानंतर भांड्यांमध्ये आयोडीनच्या द्रावणाचे दोन ते तीन थेंब टाका. असे केल्याने मूळ बटरचा रंग बदलणार नाही, तर भेसळयुक्त बटर असलेल्या पाण्याचा रंग निळा होईल.