चपातीशिवाय भारतीय थाळी अपूर्ण आहे. भारतात विविध ठिकाणी वेगवेगळ्या पद्धतीने चपाती केली जाते. चपाती जर मऊ, लुसलुशीत, घडीची पोळी असेल तरच खाण्यात मज्जा येते. कडक - करपलेली, चपाती कोणी खात नाही. काही चपाती फ्रेश - गरम असतानाच खायला मऊ लागते. पण काही वेळानंतर ती पापडासारखी कडक होते. असे का होते? चपाती मऊ, लुसलुशीत व्हावी यासाठी काय करावे? असे अनेक प्रश्न महिलांच्या मनात येतात.
चपाती कडक होण्यामागे अनेक कारणे आहेत. अनेकदा चपातीचं पीठ मळताना चुका घडतात. चपाती कडक - वातड होण्यामागे कारण काय? कोणत्या चुकांमुळे चपातींचं गणित बिघडतं? त्या चुका टाळण्यासाठी काय करावे? पाहूयात(How to keep chapatis soft for several hours).
- काही वेळेला महिला चपातीचं पीठ मळून झाल्यानंतर, लगेचचं चपाती करायला घेतात. चपातीचं पीठ मळून झाल्यानंतर १५ मिनिटांनंतर चपाती तयार करा. कारण, लगेच मळलेल्या पिठाच्या चपात्या केल्याने, त्यातील ग्लुटेन व्यवस्थित फॉर्म होत नाही. त्यामुळे चपात्या कडक होतात.
खाऊन पाहा शेंगदाणा कूट घालून भरलेल्या शेवग्याच्या शेंगांची चमचमीत भाजी, पौष्टिक आणि चविष्टही
- चपाती शेकताना वारंवार उलटू नका. ४ ते ५ वेळा चपाती उलटल्यावर पीठातील ओलावा कमी होतो. त्यामुळे चपाती काही वेळानंतर कडक - वातड होते.
- फार गरम असलेल्या तव्यावर चपाती शेकू नका. यामुळे चपात्या करपतात व कडक होतात. नेहमी मध्यम आचेवर चपाती शेकून घ्या. जेणेकरून ती टम्म फुगून शेकून तयार होईल.
- चपाती शेकताना एक बाजू १५ सेकंदापेक्षा जास्त वेळ ठेऊ नका. यामुळे चपाती कडक होतात. चपाती ३० सेकंदापेक्षा जास्त वेळ तव्यावर ठेऊ नका. दोन्ही बाजू सतत पलटून शेकून घ्या.
एक कप नेहमीच्या दुधाचा करा मस्त खरवस, इन्स्टंट खरवसाची सोपी रेसिपी
- चपात्या कडक होत असतील तर, पीठ मळताना त्यात थोडे दूध मिक्स करा. व पीठ मळून झाल्यानंतर त्यावर थोडे तेल लावून पुन्हा मळून घ्या. यामुळे चपात्या छान मऊ तयार होतील.