तांदूळ आणि उडीद डाळ घालून केलेले डोसे आपण नेहमीच खातो. हे डोसे तर पौष्टिक असतातच. पण त्याऐवजी डोसा करण्यासाठी पीठ भिजवताना जर त्यात उडदाच्या डाळीसोबतच इतरही डाळी घातल्या आणि त्या तुलनेत तांदळाचे प्रमाण कमी केले तर ते डोसे नक्कीच अधिक पौष्टिक आणि सगळ्यात महत्त्वाचं म्हणजे भरपूर प्रोटीन्स देणारे असतील (protein rich breakfast). यानिमित्ताने मुलांच्याही पोटात एकाचवेळी अनेक डाळी जातील. त्यामुळेच बघा ही सोपी रेसिपी. सकाळच्या धावपळीच्या वेळेस ही रेसिपी अगदी झटपट होणारी आहे. (most healthy dosa recipe)
मिश्र डाळींचे डोसे करण्याची रेसिपी
साहित्य
१ कप मसूर डाळ
१ कप हरबरा डाळ
१ कप उडीद डाळ
१ कप मुगाची डाळ
तळहात चेहऱ्यावर जोरात घासून मॉईश्चरायझर लावता? चाळिशीनंतरही तरुण दिसायचं तर बघा योग्य पद्धत...
१ कप तांदूळ
कांदा, सिमला मिरची, पत्ताकोबी, गाजर अशा बारीक चिरलेल्या भाज्या १ वाटी
२ हिरव्या मिरच्या
५ ते ६ पाकळ्या लसूण
१ टेबलस्पून बारीक चिरलेली कोथिंबीर
चवीनुसार मीठ
कृती
मूग, मसूर, हरबरा, उडीद अशा सगळ्या डाळी आणि तांदूळ एका भांड्यात घ्या आणि २ ते ३ वेळा स्वच्छ धुवून घ्या.
यानंतर सगळ्या डाळी आणि तांदूळ एकत्रित करूनच रात्रभर पाण्यात भिजत घाला.
अलका याज्ञिकना अचानक ऐकू येणं झालं बंद, हा आजार नेमका काय? कशाने होतो?
सकाळी उठल्यानंतर डाळ- तांदूळ मिक्सरमधून बारीक वाटून घ्या. वाटत असतानाच त्यात हिरव्या मिरच्या आणि लसूण टाका.
यानंतर वाटलेलं मिश्रण एका भांड्यात काढा आणि त्यामध्ये बारीक चिरलेल्या सगळ्या भाज्या, कोथिंबीर, मीठ घाला. या पिठाला थोडा आंबटपणा पाहिजे असेल तर तुम्ही त्यात दही, ताक किंवा लिंबाचा रस घालू शकता.
असं पीठ तयार करून घेतलं की त्याचे नेहमीप्रमाणे तव्याला तेल लावून लहान लहान डोसे करा. हे डोसे खूप पातळ पसरवू नका. नाहीतर ते तव्याला चिटकून बसू शकतात.