रोजच्या जेवणात बदल म्हणून दुपारच्या किंवा रात्रीच्या मेन्यूसाठी काहीतरी नवीव बनवण्याची इच्छा होते. सतत हॉटेलमध्ये जाऊन खाणं तब्येतीच्या दृष्टीनं फारसं योग्य ठरत नाही. डाळ भात हा प्रत्येकाच्याच घरी रोज असतो. (Cooking Hacks) डाळ भाताला ऑपश्न म्हणून तुम्ही पुलाव, बिर्याणी, मसाले भात, दही भात, सांभार भात, लेमन राईस, टोमॅटो राईस असे पदार्थ ट्राय करू शकता. दक्षिण भारतीय पदार्थ नाश्त्यापासून जेवणापर्यंत आवडीनं खाल्ले जातात. त्यातीलच एक पदार्थ म्हणजे रस्सम.. रस्सम हा पारंपारीक दक्षिण भारतीय पदार्थ आहे जो विशेषत: भाताबरोबर खाल्ला जातो. (Spicy totamo rasam recipe how to make tomato rassam)
टोमॅटो रस्सम खूप लवकर तयार होते आणि बनवायला खूप सोपे असते, टोमॅटो रस्सम बनवण्यासाठी टोमॅटो हा मुख्य घटक आहे. काही लोक जास्त खाणं आंबट पसंत करतात, ते चिंचेची पेस्ट घालून टोमॅटोचे रस्सम बनवतात, काही लोक डाळ टाकून टोमॅटो रस्सम बनवतात, टोमॅटो रस्सम बनवण्याच्या अनेक पद्धती आहेत.
टोमॅटो रस्समसाठी लागणारं साहित्य
टोमॅटो - 4-5
हिरवी मिरची - १
आल्याचा तुकडा - १ इंच
कढीपत्ता - 10 ते 12
हिरवी धणे - 2 चमचे
तेल किंवा तूप - 1 टेस्पून
रस्सम पावडर - 1 टीस्पून
मीठ - 3/4 टीस्पून किंवा चवीनुसार
मोहरी - 1/2 टीस्पून
हिंग - १ ते २ चिमूटभर
कृती
टोमॅटो धुवा आणि प्रत्येक टोमॅटोचे 8 तुकडे करा. हिरवी मिरची आणि आले यांचेही मोठे तुकडे करा. कढईत टोमॅटो, आले आणि हिरवी मिरची टाकून थोडे पाणी घाला. सोबत काही कढीपत्ता पण टाका. ते झाकून 4 ते 5 मिनिटे उकळवा.५ मिनिटांनी टोमॅटो मऊ झाले आहेत की नाही ते पाहा. टोमॅटो किंचित थंड करा. यानंतर मिक्सरच्या भांड्यात कोथिंबीर घालून बारीक वाटून घ्या.
कढईत तेल टाकून गरम करा. गरम तेलात मोहरी आणि हिंग टाकून मोहरी तडतडू द्या. मोहरी तडतडल्यावर त्यात उरलेला कढीपत्ता टाका. नंतर त्यात टोमॅटोची पेस्ट आणि २ ते ३ कप पाणी घालून मिक्स करा.
तसेच मीठ आणि रस्सम पावडर घाला. रस्सम उकळायला लागल्यावर २ ते ३ मिनिटे शिजवा. गरमागरम आंबट-गोड रस्सम तयार आहे. एका भांड्यात काढा आणि कोथिंबीरने सजवा. रस्सम सूपप्रमाणे प्या किंवा भातासोबत खा.