मकर संक्रांतीचा दिवस आता अवघ्या काही दिवसांवरच आला आहे. या सणाला 'तीळ गूळ घ्या आणि गोड गोड बोला' असं म्हणत तीळ आणि गुळापासून तयार केलेले पदार्थ वाटले जातात. मकर संक्रांतीला (Makar Sankranti Tilgul Ladoo Tips) तिळाच्या लाडवांना विशेष असे महत्व असते, हा सण पांढरेशुभ्र तिळगुळ आणि तिळाच्या लाडवांशिवाय पूर्ण होऊच शकत नाही. या विशेष सणानिमित्त (Tips for making tilgud ladoo's) घरोघरी तीळ आणि गुळाचे लाडू - वड्या (Easy Tricks To Prevent Your Hands From Burning While Doing Tilgul Ladoo For Makar Sankranti) असे पदार्थ तयार केले जातात. परंतु तीळ आणि गुळाचे लाडू किंवा वड्या करताना आपल्या हाताला चटके बसण्याची शक्यता असते. बदलत्या काळानुसार काही घरांमध्ये हे तिळाचे लाडू विकत आणले जातात परंत्तू काही घरांमध्ये आजही हे लाडू घरच्याघरीच तयार केले जातात. हे लाडू घरी करायचे म्हटलं तर त्यासाठी अगदी परफेक्ट कसब लागत.
या लाडवांसाठी तीळ आणि गुळाचे प्रमाण योग्य असले पाहिजे किंवा त्याचा पाक तयार करताना तो नीट झालाच पाहिजे अशा अनेक गोष्टींची काळजी घ्यावी लागते. याचबरोबर, लाडूचे सारण गरम असताना लाडू वळणे हा त्यातील खरा मोठा टास्कच असतो.पण तीळ आणि गूळ दोन्हीही गरम असल्याने लाडू वळताना हाताला (No Hands Burning) चांगलेच चटके बसतात. त्यामुळे महिलांची एक प्रकारे कसरतच होते. गरम सारणाचे हाताला चटके बसले की हात लाल होतात आणि काहीवेळा हातांची आगही होते. म्हणूनच आज आपण गरम लाडू वळताना हाताला चटके बसू नयेत यासाठी काही सोप्या टिप्स पाहणार आहोत. सरीताज किचनच्या सरीता पद्मन यांनी या ट्रिक सांगितल्या असून यामुळे तिळाचे लाडू वळण्याचे काम नक्कीच सोपे होऊ शकते.
तिळगुळाचे लाडू वळताना हाताला चटके बसू नये म्हणून...
१. मिश्रण हातावर घेतल्यावर ते गरम असल्याने हाताला चटके बसतात. पण मिश्रण गार झाले तर लाडू वळले जात नाहीत. म्हणून कढई गॅसवरच ठेवून हाताला गार पाणी लावून लाडू वळायचे. पाणी गार असल्याने हाताला चटका बसण्याची शक्यता कमी होते. याचबरोबर, लाडूला पाणी लागले तरीही ते खराब होत नाहीत दीर्घकाळ चांगले टिकून राहतात.
मुलांची छोटी भूक, खाऊच्या डब्यासाठी कुकरमध्ये करा इराणी स्टाईल स्पॉंजी मावा केक...
साचवून ठेवलेल्या तुपाला काही दिवसांनी कुबट वास येतो? तुपात २ पदार्थ मिसळा, तूप छान राहील...
२. मिश्रण गॅसवर ठेवण्याऐवजी एका पातेल्यात पाणी चांगले उकळून घ्यायचे आणि तीळगूळाच्या कढईचा गॅस बंद केल्यावर कढई या गरम पाण्याच्या पातेल्यावर ठेवायची. पाणी गरम असल्याने मिश्रण लगेच गार होत नाही. मग हाताला गार पाणी लावून लाडू वळल्यास ते छान वळले जातात.
इतरही टिप्स लक्षात ठेवा...
१. तिळगुळाच्या लाडूचे मिश्रण तयार झाल्यावर ते गरम असतानाच लाडू वळावे लागतात, यामुळे आपला हात भाजतो. यासाठी आपला हात भाजू नये म्हणून एका चमच्याला किंचित तूप लावून त्या चमच्याने थोडे थोडे मिश्रण घेऊन ते वेगळ्या डिशमध्ये काढून घ्यावे. त्यानंतर १ मिनिटांनी लाडू वळायला घ्यावे. असे चमच्याने थोडे थोडे मिश्रण बाजूला काढून घेतले की त्यातील गरम वाफ सर्वात आधी निघून जाते, परिणामी हाताला चटके न बसता अगदी परफेक्ट गोलाकार लाडू वळता येतात.
‘आवळा राईस’ नाही खाल्ला हिवाळ्यात? आवळा म्हणजे आरोग्यासाठी अमृत, ही घ्या रेसिपी...
२. लाडू वळताना हाताला तेल, तूप किंवा पाणी लावावे. यामुळे लाडू वळताना हाताला चटके बसत नाही.
३. हाताला चटके बसू नये म्हणून लाडू वळण्यासाठी आपण दोन छोट्या वाट्या आणि एका खोलगट चमच्याचा वापर करणार आहोत. तिळगुळाच्या लाडूंचे मिश्रण तयार झाल्यावर सर्वात आधी एका खोलगट गोलाकार असलेल्या आकाराच्या चमच्याने एकसारखेच मिश्रण थोडे थोडे करून ताटात काढून घ्यावे. त्यानंतर हाताला जरासे तेल किंवा तूप लावून या लाडूंना हलकासा शेप द्यावा. त्यानंतर हे लाडू एका छोट्या आकाराच्या वाटीत घेऊन त्यावर तेवढ्याच आकाराची वाट ठेवून द्यावी. दोन्ही वाट्यांची तोंड एकमेकांसमोर येतील अशी ठेवावीत. त्यानंतर या दोन्ही वाट्या एकत्रितपणे हलवून घाव्यात. यामुळे लाडूला अगदी परफेक्ट गोलाकार शेप येतो.