उन्हाळ्यात कच्चा लसूण खावा का? लसूण खाण्याचे फायदे, पण उन्हाळ्यात खात असाल तर..

Raw Garlic Benefits : उन्हाळ्यात लसूण खाण्याचे अनेक फायदे होतात. लसूण रक्त शुद्ध करण्यासाठी मदत करतो. इतरही अनेक फायदे होतात ते काय होतात हे जाणून घेऊ.

Raw Garlic Benefits : रोज लसूण खाण्याचे आरोग्याला अनेक फायदे मिळतात. लसणाचा वापर सामान्यपणे सगळ्याच भाज्यांमध्ये केला जातो. यानं भाजी किंवा पदार्थांची टेस्ट तर वाढतेच, सोबतच आरोग्यालाही अनेक फायदे होतात. लसणाच्या वापरानं अनेक समस्या दूर होते. त्यामुळे आयुर्वेदातही याला सुपरफूड मानलं जातं. लसणामध्ये व्हिटॅमिन ए, बी, सी आणि सल्फ्यूरिक अ‍ॅसिड आढळतं. उन्हाळ्यात लसूण खाण्याचे अनेक फायदे होतात. उन्हाळ्यात लसूण रक्त शुद्ध करण्यासाठी मदत करतो. इतरही अनेक फायदे होतात ते काय होतात हे जाणून घेऊ.

उन्हाळ्यात लसूण खाण्याचे फायदे

दातांचं दुखणं दूर होतं

लसूण नियमितपणे खाल्ल्यानं दातांचं दुखणं दूर होतं. यात कॅल्शिअम आढळतं ज्यामुळे दात मजबूत होतात. तसेच यातील अ‍ॅंटी-बॅक्टेरिअल आणि अ‍ॅंटी-इन्फ्लामेटरी गुणांमुळे दातांचं दुखणं दूर होतं. यासाठी रोज सकाळी उपाशीपोटी लसणाची एक कच्ची कळी चावून खावी.

पोषण

शक्ती वाढवण्यासाठी प्रोटीन आणि इतर पोषक तत्व फार गरजेचे असतात. लसणाच्या या पांढऱ्या कळ्यांमध्ये प्रोटीन, कार्ब्स, मॅगनीज, व्हिटॅमिन बी6, व्हिटॅमिन सी, सेलेनियम आणि फायबर असतं.

इम्यूनिटी वाढते

इम्यूनिटी वाढवण्यासाठीही लसूण खाल्ला जातो. 2016 मधील एका रिसर्चमध्ये सांगण्यात आलं की, कच्चा लसूण खाल्ल्याने सर्दी-खोकलासारख्या सामान्य समस्या लगेच दूर होतात. या प्रक्रियेत एका खास लिक्विडमध्ये कळ्या भिजवून ठेवल्याने 20 महिन्यांपर्यंत स्टोर करता येतात.

पुरूषांसाठी फायदेशीर

महिलांच्या तुलनेत पुरूषांना हृदयरोगांचा धोका अधिक राहतो. ज्याचं मोठं कारण म्हणजे हाय ब्लड प्रेशर आहे. नियमितपणे लसणाचं सेवन केल्याने हाय ब्लड प्रेशरच्या औषधासारखा प्रभाव बघण्यात आला आहे.

स्टॅमिना वाढतो

लसणाचा वापर तुम्ही स्टॅमिना वाढवण्यासाठीही केला जाऊ शकतो. जुन्या काळात ग्रीसमधील खेळाडू या उपायाचा वापर करत होते. जेणेकरून त्यांना थकवा आणि कमजोरी जाणवू नये.

हाडांसाठी फायदेशीर

हाडे कमजोर झाली असतील आणि वेदना होत असेल हा उपाय तुम्ही नक्की करू शकता. अनेक शोधात हे आढळून आलं आहे की, महिला लसणाचं सेवन करून ऑस्टियोपोरोसिस आणि ऑस्टियो आर्थरायटिसचा धोका कमी करू शकतात.

काय काळजी घ्याल

लसूण गरम असल्यानं उन्हाळ्यात जास्त खाणंही घातक ठरू शकतं. जास्त प्रमाणात लसूण खाल्ल्यानं पोटासंबंधी वेगवेगळ्या समस्यांचा धोकाही होतो. लसणामुळे रक्त पातळ होतं. ज्यामुळे वेगवेगळ्या समस्या होऊ शकतात. त्यामुळे कच्चा लसूण कमीच खावा.