भारतातील वेगवेगळ्या प्रदेशात वेगवेगळ्या प्रकारचे तांदूळ खाल्ले जातात. काही लोक जाड तांदळाचा भात खातात तर कुठे लांब तांदळाचा भात खूप खाल्ला जातो. (Which Rice Is Used For Biryani) धान्याच्या लांबीच्या आधारावर, तांदूळ तीन प्रकारांमध्ये विभागला जातो - लांब, मध्यम आणि लहान. (Cooking Hacks and Tricks) हे तिन्ही प्रकारचे तांदूळ देशाच्या वेगवेगळ्या भागात वेगवेगळ्या प्रकारे तयार केले जातात. (How to choose best rice for biryani)
बिर्याणीसाठी लांब तांदळाला प्राधान्य दिले जाते कारण लांब भातापासून चांगली बिर्याणीही बनवली जाते. लहान तांदळाला सांबा म्हणतात आणि तो मुख्यतः दक्षिण भारतात विशेषतः तामिळनाडूमध्ये शिजवला जातो. पश्चिम बंगालच्या भागात मध्यम लांबीचा तांदूळ मोठ्या प्रमाणात खाल्ला जातो. बिर्याणीसाठी योग्य भात कसा निवडायचा हे माहित असेल तर पदार्थ उत्तम लागतो. मास्टरशेफ पंकज भदौरिया यांनी बिर्याणीसाठी तांदूळ निवडण्याबाबत महत्वाच्या कुकिंग टिप्स शेअर केल्या आहेत.
१) लांब दाण्याचा तांदूळ
सर्वात मौल्यवान लांब धान्य तांदूळ म्हणजे सुगंधी बासमती, जो पारंपारिकपणे हिमालयाच्या पायथ्याशी उगवला जातो. ते पातळ आणि लांब असतो आणि त्यात स्टार्च कमी असते. हे अतिशय काळजीपूर्वक तयार केले जातात. या भातापासून बिर्याणी बनवली जाते. हे तांदूळ खूप मऊ असतात, जे तुमच्या भांड्यांना चिकटत नाहीत.
2 मिनिटात स्वच्छ होईल धूळ लागलेला एक्झॉस्ट फॅन; सोप्या ट्रिक्स काम करतील सोपं
२) मध्यम दाण्यांचा तांदूळ
हा तांदळाचा प्रकार लांब भातापेक्षा किंचित लहान असतो आणि शिजवल्यानंतर किंचित फुगीर होतो. या भातामध्ये स्टार्चचे प्रमाणही कमी असते. याला टेबल राइस असेही म्हणतात आणि ते चीन, कोरिया, जपान इत्यादी देशांमध्ये खूप लोकप्रिय आहे. हे प्रामुख्याने रिसोट्टो तयार करण्यासाठी वापरले जाते. जेव्हा हे तांदूळ मंद आचेवर शिजवले जातात तेव्हा त्यातील स्टार्च क्रीमयुक्त पोत देते. ते चिकट दिसते, पण खाताना अजिबात चिकट वाटत नाही.
३) लहान दाण्यांचा तांदूळ
केरळ आणि तामिळनाडू भागात याला अधिक पसंती दिली जाते. ते लहान, गोलाकार आणि पिष्टमय असतात आणि तयार झाल्यानंतर त्याच्या गुठळ्या होतात. हा भात हाताने किंवा चॉपस्टिक्सने खाता येतो.
बिर्याणीसाठी योग्य तांदूळ कसा निवडायचा?
जर तुम्हाला योग्य बिर्याणी बनवायची असेल तर त्यासाठी योग्य तांदूळ निवडायला हवा. भात लहान किंवा घट्ट असेल तर बिर्याणी पुलाव होईल. बासमती तांदूळ म्हणजे जो सुगंधी, लांब आणि पातळ असतो. हा भात बिर्याणीसाठी सर्वोत्तम आहे, कारण तो नेहमी शिजवल्यानंतर मोकळा होतो. तांदूळ भांड्यात चिकटल्यास बिर्याणीला चव येत नाही, म्हणून जेव्हा तुम्ही व्हेज किंवा नॉनव्हेज बिर्याणी बनवता तेव्हा त्यासाठी नेहमी बासमती तांदूळ निवडा.
कांदा लसूण कापल्यानंतर हाताला बराचवेळ वास येतो? 5 ट्रिक्स वापरा, हाताचा वास होईल छुमंतर
तांदूळ नवीन आहे की जुना कसं ओळखायचं?
बिर्याणीसाठी बासमती तांदूळ घ्यावा आणि दुसरा जुना भात असावा. पण बासमती तांदूळ नवीन आहे की जुना हे कसे कळणार? सर्व प्रथम, तांदूळ जर हलका पिवळा असेल तर तो जुना बासमती तांदूळ आहे हे लक्षात ठेवा. पांढरा तांदूळ नवीन असतो. दुसरा मार्ग म्हणजे तांदळाचे २-३ दाणे चावणे. जर तांदूळ दातांना चिकटला असेल तर तो नवीन भात आहे आणि जर तांदूळ दातांना चिकटत नसेल तर तो जुना तांदूळ आहे.