पावसाळ्यातील गारवा आनंददायी वातावरणासह समस्याही घेऊन येत असतात. या सिजनमध्ये शरीरावर खाज, खुजली एलर्जी होणं सामान्य आहे. खासकरून महिलांना वजायनल पार्ट्समध्ये खाज, कोरडेपणा आणि जळजळीचा सामना करावा लागतो. ही कोणतीही गंभीर समस्या नाही पण या समस्येचा हलक्यात घेणं नुकसानकारक ठरू शकतं. बॅक्टीरियल इंफेक्शन किंवा एक्जिमामुळे अशा प्रकारच्या त्रासाचा सामना करावा लागू शकतो.
कधीकधी साबण आणि बॉडी वॉशमुळे देखील योनीमध्ये जळत होऊ शकतात. पावसाळ्यात महिला बहुधा खाजगी भागात खाज सुटणे आणि कोरडेपणा या समस्येवर झगडत असतात. वारंवार खाज सुटणे कधीकधी त्यांच्या योनीभोवती लालसरपणा आणि सूज येऊ शकते, ज्यामुळे त्यांना अस्वस्थ वाटू शकते. आपल्याला घाबरून जाण्याची आवश्यकता नाही कारण असे काही घरगुती उपचार आहेत जे आपल्याला वेदनादायक लक्षणांपासून आराम देऊ शकतात.
व्हिनेगर
एप्पल सायडर व्हिनेगर एखाद्या औषधाप्रमाणे काम करते. त्यात अनेक एंटी बॅक्टेरिअल आणि एंटी फंगल गुणधर्म असतात. त्यामुळे खाज, आणि जळजळीपासून आराम मिळतो. त्वचेचे पीएच लेव्हल संतुलित ठेवता येते. त्यासाठी तुम्ही एक ग्लास पाण्याक एक चमचा अॅपल सायडर व्हिनेगर घाऊन पिऊ शकता. याचा थेट प्रयोग करू नका कारण यामुळे गंभीर जळजळीचा सामना करावा लागू शकतो.
दही आणि मध
दह्याचे प्रीबायोटिक गुणधर्म खाज आणि जळजळ कमी करण्यासाठी फायदेशीर ठरतात. दही जेव्हा मधासह मिसळून खाल्लं जात तेव्हा दोन प्रकारे कार्य करते. त्यातील एंटी इन्फ्लेमेटरी गुणांमुळे जळजळीपासून सुटका मिळते. दह्यात प्रोबायोटिक बॅक्टीरियामधील असंतुलन बरं करण्यास मदत मिळते. ज्यामुळे Yeast infection आणि Bacterial infection चा धोका कमी होतो. दही आणि मध मिसळून दिवसातून दोनदा सेवन केल्यानं याचा परिणाम लवकर दिसून येईल.
तुळस
तुळशी एक लोकप्रिय औषधी वनस्पती आहे जी बर्‍याच प्रकारच्या उपचारांमध्ये प्रभावी आहे. आयुर्वेदात तुळशीचा मोठ्या प्रमाणात वापर केला जातो. यात एंटी-इंफ्लेमेटरी, अँटीबॅक्टीरियल आणि अँटी-फंगल गुणधर्म आहेत, जे व्हजायनामधील जळजळ आणि खाज सुटण्यावर उपचार करण्यास देखील मदत करतात. यासाठी आपल्याला तुळशीची काही पाने पाण्यात उकळावी लागतील. आता पाणी थंड होऊ द्या आणि दिवसातून २ वेळा या पाण्यानं प्रायव्हेट पार्ट्स स्वच्छ करा. यापैकी कोणत्याही पदार्थाची जर तुम्हाला एलर्जी असेल तर उपाय करण्यापूर्वी डॉक्टरांचा सल्ला नक्की घ्या.
अशी घ्या काळजी
स्त्रीरोग तज्ज्ञांच्या मते, महिलांनी दिवसातून कमीतकमी दोनदा योनीतून स्वच्छ केले पाहिजे. यामुळे बॅक्टेरिया आणि बुरशीला वाढायला वेळ मिळत नाही. धुऊन स्वच्छ अंडरगारमेंट्स दोन्ही वेळा परिधान केले पाहिजेत. हे लक्षात ठेवा की आपले आतील कपडे फार घट्ट नसावेत. यासह, जर आपण रात्री झोपायला जाण्यापूर्वी डॉक्टरांच्या सल्ल्यानं मेडिकेटेड वॉशनं आपले खाजगी भाग स्वच्छ केले तर ते आणखी चांगले होईल.