पोटात गॅस तयार होणं ही खूपच सामान्य बाब आहे. चुकीची जीवनशैली, खाण्यपिण्यातील अनिमयमितता यामुळे पोटात गॅस तयार होतो. गॅस जास्त प्रमाणात तयार झाल्यास पोटात तीव्रतेनं वेदना होणं, डोकेदुखी, छातीत दुखणं, पोट फुगणं असे त्रास जाणवतात. सकाळी उठल्यानंतर असा त्रास जावल्यास अनेकांचा पूर्ण दिवसच खराब जातो. पोटात सतत गॅस तयार होत असेल तर याची कारण समजून घ्यायला हवीत. जेणेकरून हा त्रास टाळता येईल. (How to get rid of gas problem home remedies of gas causes symptoms prevention)
पाणी कमी पिणं
जे लोक जास्त पाणी पीत नाहीत त्यांना बद्धकोष्ठता आणि गॅसचा त्रास होतो. असे घडते कारण पाण्याशिवाय, मल सुकतो, ज्यामुळे ते आपल्या शरीरातून सहज बाहेर पडू शकत नाही. पोटा हायड्रोजन, मिथेन आणि कार्बन डायऑक्साइडसारखे वायू तयार होतात, त्यामुळे पोट फुगते आणि गॅसची समस्या सुरू होते.
बॅड कॉलेस्टेरॉल वाढल्याचे संकेत देतात साधी वाटणारी ५ लक्षणं, समजून घ्या उपाय
झोपण्याआधी गॅस होईल असे पदार्थ खाणं
जे लोक रात्रीच्या वेळी पोटात गॅस वाढवणार्‍या पदार्थांचे सेवन करतात, त्यांना गॅस तयार होण्याची समस्या होऊ शकते. रात्रीच्या वेळी बीन्स, शेंगा, फ्लॉवर, कोबी खाणे टाळावे. वास्तविक, हे पदार्थ खाल्ल्याने पोटात असलेले बॅक्टेरिया या पदार्थांना आंबवायला लागतात. त्यानंतर CO2, मिथेन सारखे वायू तयार होऊ लागतात.
पोटात इन्फेक्शन
सकाळी उठल्यानंतर जर भरपूर गॅस बाहेर पडत असेल तर तुमच्या आतड्यात इन्फेक्शन झाल्याची शक्यता आहे. जेव्हा एच. पायलोरी नावाचे जिवाणू आतड्याला संक्रमित करतात तेव्हा असे होते. दूषित पाणी आणि स्वच्छतेशिवाय अन्न खाल्ल्याने हा संसर्ग होतो.
गॅस होऊ नये म्हणून काय करायचं?
१) जिरे आणि लसूण भाजून ठेवा. 15-15 ग्रॅम दररोज खाण्याआधी 15 मिनिटे खाणे आवश्यक आहे. असे केल्याने पोटात गॅस तयार होत नाही.
२) बडीशेप, जिरे आणि जिरे बारीक करून पावडर बनवा. जेवणाच्या 20 मिनिटे आधी अर्धा चमचा पावडर मधात मिसळून खा. यामुळे गॅस होत नाही आणि आपली पचनक्रिया बरोबर राहते.
३) गॅसच्या समस्येने त्रस्त असलेल्या लोकांनी नाश्ता, दुपारचे जेवण आणि रात्रीचे जेवण वेळेवर करावे, असे आहारतज्ज्ञ सुचवतात. रुटीननुसार खाल्ल्याने गॅसच्या समस्येपासूनही सुटका मिळते.