उन्हाळ्यात पोटाचे त्रास बरेच वाढतात. जेवल्यानंतर पोट फुगल्यासारखं वाटतं, गॅसमुळे जेवण जास्त जात नाही अशी तक्रार अनेकांची असते. वैद्यकीय परिभाषेत याला ब्लोटींग असं म्हणतात. पोटात गॅस तयार झाल्यानं कधी पोटात गुडगुड होतं तर कधी सतत गॅस पास होतो. पोट व्यवस्थित साफ न झाल्यास गॅसमुळे दुर्गंधीही जाणवते. (Health Tips) एकत्र खूप जास्त खाणं, गॅस, लिव्हरचे आजार, गर्भावस्था या कारणांमुळे ब्लोटींगची समस्या उद्भवू शकते.
याव्यतिरिक्त बीन्स, डाळी, ब्रोकोली, कोबी जास्त मीठ आणि दूधयुक्त पदार्थ खाल्ल्यानंही समस्या वाढते. (How to get relief from gas) न्युट्रिशनिस्ट शिखा अग्रवाल यांच्यामते पोटाचे त्रास रोखण्याचे अनेक घरगुती मार्ग आहेत. ज्यात विशिष्ट मसाले आणि औषधी वनस्पतींचा समावेश आहे, जे पचनास मदत करतात आणि आतड्यांचे कार्य सुधारतात, गॅस, आणि बद्धकोष्ठता कमी करतात.
१) अपचन, मळमळ आणि सूज यांसह अनेक पाचक विकारांवर आले एक उत्तम उपाय आहे. त्यात कार्मिनेटिव्ह असते, जे गॅस्ट्रोइंटेस्टाइनल ट्रॅक्टमध्ये गॅस कमी करते. तुम्ही आल्याचा चहा बनवून पिऊ शकता आणि त्यात पुदिन्याची पाने टाकायला विसरू नका. कडधान्ये, चणे, राजमा सोया इत्यादी जास्त गॅस निर्माण करणाऱ्या पदार्थांमध्ये तुम्ही आले घालू शकता.
२) जर तुम्हाला पोट फुगण्याचा त्रास असेल तर जेवणानंतर गरम पाणी प्यायला हवं. गोड पदार्थ कोल्ड ड्रिंक्स किंवा सोडा यांसारख्या गॅस तयार करणाऱ्या पदार्थांचे सेवन करू नका.
३) जेवणानंतर बडीशेप चघळल्याने पचनक्रिया सुधारते. हे गॅस आणि सूज कमी करू शकते. दुसरा उपाय म्हणजे बडीशेप, थोडे ताजे आले, चिमूटभर हिंग आणि चिमूटभर मीठ मिसळून चहा बनवू शकता. तिसरा उपाय म्हणजे बडीशेप, जिरे आणि धणे पाण्यात मिसळून गरम केल्यानंतर प्या.
४) केळी, पपई, बेरी, गाजर, संत्री आणि अननस या फळांचा आहारात समावेश करा. त्यामध्ये फायबर, अँटिऑक्सिडंट्स आणि जीवनसत्त्वे चांगल्या प्रमाणात असतात जे पचन आणि आतड्याचे आरोग्य सुधारण्यास मदत करतात.