बऱ्याच लोकांसाठी पहाटेच्या झोपे इतकं प्रिय काहीही नसते. रोज सकाळी उठण्याची वेळ झाली की थोड्या थोड्या वेळानं अलार्म स्नूज केला जातो. सकाळी उठण्याची वेळ झाली की अलार्म बंद करून तुम्हीही झोपत असाल तर ही सवय महागात पडू शकते. अलार्म स्नूज करणं तुमच्या तब्येतीसाठी धोकादायक ठरू शकतं. (Alarm snoozing could be dangerous for health know why)
सकाळी लवकर उठणं तब्येतीसाठी चांगलं मानलं जातं. पण याचा पुरेपूर फायदा त्यांनाच होतो ते अलार्म न लावता उठतात. जे लोक अलार्मशिवाय लवकर उठत नाही आणि स्नूज बटन दाबत राहतात. इतरांच्या तुलनेत त्यांची तब्येत लवकर खराब होऊ शकते. एका संशोधनातून समोर आलं की सतत स्नूज बटन दाबत राहणं तब्येतीसाठी नुकसानकारक ठरू शकतं. (Why snoozing your alarm could be injurious to health)
याचं कारण काय?
सहसा लोक अलार्म वाजल्यानंतर काही वेळासाठी जागे होतात आणि पुन्हा स्नूझ करतात. यामागील शास्त्रज्ञाचे तर्क खूपच मनोरंजक आहे. या प्रश्नाचे उत्तर जाणून घेण्यापूर्वी, तुम्हाला हे माहित असणे आवश्यक आहे की जेव्हा स्नूझ बटणाचा शोध लागला तेव्हा इंजिनिअर्असना अलार्मचा कालावधी वाढवायचा होता. पण त्यांनी तसे केले नाही. या स्नूझ बटणाचा शोध ५० च्या दशकात लागला. जेव्हा स्नूझ बटणाचा शोध लागला तेव्हा घड्याळाचे गियर सायकल 10 मिनिटे ठेवण्यात आले होते.
प्रेग्नंट नसतानाही स्तनांमधून दूध बाहेर येतं? स्तनांचा कॅन्सर तर नाही ना? तज्ज्ञ सांगतात...
स्नूझ बटणासाठी गियर जोडल्यामुळे, तज्ञांनी सल्ला दिला होता की अलार्मच्या स्नूझ बटणाचे चक्र 10 मिनिटांनी कमी किंवा वाढवावे. कारण बाकीच्या भागांच्या समन्वयात कोणताही अडथळा नसावा. शेवटी, निर्मात्यांनी ते 9 मिनिटांपर्यंत कमी करण्याचा निर्णय घेतला. तज्ज्ञांचे म्हणणे आहे की अलार्म बंद केल्यानंतर 10 मिनिटांनंतर, व्यक्ती गाढ झोपेत जाते. अशा परिस्थितीत स्नूझ बटणाची वेळ 10 मिनिटे किंवा त्याहून अधिक वेळ ठेवली तर अनेक वेळा अलार्म वाजत नाही आणि व्यक्ती झोपत राहते.
स्नूझ बटण दाबल्याने अनेकदा सकाळी थकवा जाणवतो आणि त्याचा आरोग्यावरही वाईट परिणाम होतो, असे झोपेतील तज्ज्ञांचे मत आहे. स्नूझ बटण तुमची झोप खराब करते आणि ते आरोग्यासाठीही धोकादायक आहे यात शंका नाही. म्हणूनच रोज ठराविक वेळी झोपण्याची आणि उठण्याची सवय लावल्यास तब्येत चांगली राहण्यास मदत होऊ शकते.