आपली जीवनशैली, आहार आणि सवयींचा थेट आपल्या आरोग्यावर परिणाम होतो. जीवनशैलीतील गडबड अनेक रोगांचा धोका वाढवू शकते, म्हणूनच सर्व लोकांना त्याकडे विशेष लक्ष देणे आवश्यक आहे. आकडेवारीनुसार देशातील करोडो लोक जीवनशैलीशी संबंधित विविध आरोग्य समस्यांनी त्रस्त आहेत. अनेक सवयी तुमचे आयुष्य कमी करतात. (Smoking reduces life expectancy and causes cancer avoiding smoking benefits)
धूम्रपान ही अशीच एक अत्यंत हानिकारक सवय मानली जाते. अभ्यास दर्शवितो की, धूम्रपान करणार्‍यांचे वयोमान धूम्रपान न करणार्‍यांपेक्षा 10 वर्षे कमी असते. पुरूषांप्रमाणे अनेक महिलाही कामाचा ताण घालवण्यासाठी स्मोकिंग करतात तर काहींनी स्मोकिंगला आपल्या रोजच्य जीवनाचा भाग बनवले आहे. (The Effects of Smoking on the Body)
आरोग्य तज्ञ धुम्रपानाची सवय (Smoking disadvantages) हे अनेक गंभीर आरोग्य समस्यांचे मुख्य कारण मानतात. यामुळे अकाली मृत्यू म्हणून ओळखले जाणारे रोग होऊ शकतात. कर्करोग, फुफ्फुसाच्या आजारांसाठी धूम्रपान हे प्रमुख जोखीम घटक म्हणून पाहिले जाते. आरोग्य तज्ञ म्हणतात, जर आपण या एका सवयीपासून मुक्त झालो तर आपण केवळ अकाली मृत्यूचा धोका कमी करू शकत नाही, तर जीवनाचा दर्जा चांगला राखण्यास देखील मदत करू शकतो.
फुफ्फुसांच्या कॅन्सरचे कारण
फुफ्फुसाचा कर्करोग इतर कोणत्याही प्रकारच्या कर्करोगापेक्षा जास्त लोकांना मारतो. धुम्रपान हा फुफ्फुसाच्या कर्करोगासाठी एक प्रमुख जोखीम घटक मानला जातो. फुफ्फुसाच्या कर्करोगाच्या सुमारे ९० टक्के प्रकरणांसाठी धूम्रपान जबाबदार असल्याचे मानले जाते. आकडेवारी दर्शवते की फुफ्फुसाच्या कर्करोगाचे निदान झाल्यानंतर पाचपैकी फक्त एक रुग्ण पाच वर्षे जगण्याची शक्यता आहे. धूम्रपानापासून दूर राहून हा गंभीर आजार टाळता येतो.
क्रॉनिक ऑब्स्ट्रक्टिव्ह पल्मोनरी डिसीज (सीओपीडी) ची प्रकरणे गेल्या दशकात झपाट्याने वाढत आहेत. यासाठी धुम्रपान हा एक प्रमुख जोखीम घटक मानला जातो. सीओपीडी हा फुफ्फुसाचा अडथळा आणणारा आजार आहे ज्यामुळे श्वास घेणे कठीण होते. यामुळे गंभीर दीर्घकालीन अपंगत्व आणि मृत्यू होतो. सुमारे 85 ते 90 टक्के सीओपीडी प्रकरणे सिगारेट ओढल्याने होतात. हा रोग युनायटेड स्टेट्समध्ये मृत्यूचे चौथे प्रमुख कारण आहे.
हृदयरोगाची जोखिम वाढते
धुम्रपानामुळे तुमच्या हृदयासह तुमच्या शरीरातील जवळजवळ प्रत्येक अवयवाला हानी पोहोचते. धुम्रपानामुळे तुमच्या धमन्यांमध्ये अडथळे निर्माण होतात आणि अरुंद होऊ शकतात, ज्यामुळे हृदयाला रक्त आणि ऑक्सिजनचा प्रवाह कमी होतो. या स्थितीमुळे हृदयविकाराच्या झटक्यासारख्या गंभीर जीवघेण्या समस्या देखील उद्भवू शकतात. धूम्रपानाची सवय सोडल्यास हृदयविकार टाळता येतात.