डायबिटीस हा एक गंभीर असाध्य रोग आहे. सध्या तरूण या आजाराच्या विळख्यात अडकत आहेत. मधुमेहावर नियंत्रण ठेवण्यासाठी योग्य आहार आणि व्यायामाची काळजी घेणं आवश्यक आहे. मधुमेही रुग्णांना हिवाळ्यात आरोग्य आणि आहाराची विशेष काळजी घेण्याचा सल्ला तज्ज्ञ देतात. मधुमेहामध्ये काय खावे आणि काय खाऊ नये याबाबत अनेक गैरसमज असतात. तुम्हीही अशा परिस्थितीतून जात असाल तर काही हंगामी फळे आणि भाज्या आणि इतर खाद्यपदार्थांचा आहारात समावेश करून तुम्ही मधुमेह नियंत्रणात ठेवू शकता. (Diabetes patients eat these 8 superfoods during winter to control blood sugar level)
गाजर
थंडीच्या दिवसात गाजर मोठ्या प्रमाणावर बाजारात दिसतात. डायबिटीसच्या रुग्णांसाठी गाजर अत्यंत लाभदायक आहेत. गाजरात फायबर असते यामुळे रक्तातील साखरेचा प्रवाह नियंत्रणा राहण्यास मदत होते. यामुळे पचनक्रिया संथ होऊन साखरेचं प्रमाण वाढण्यापासून रोखता येतं.
आवळा
यात भरपूर प्रमाणात क्रोमियम असते जे रक्तातील साखरेची पातळी स्थिर करते. याव्यतिरिक्त, त्यात भरपूर प्रमाणात व्हिटॅमिन सी आहे, ज्यामध्ये अँटिऑक्सिडंट आणि रोगप्रतिकार शक्ती वाढवणारे गुणधर्म आहेत, जे दोन्ही मधुमेहासाठी फायदेशीर आहेत. आवळा तुम्ही मुरंबा, लोणचे, कँडी, चटणी किंवा ज्यूसच्या स्वरूपात खाऊ शकता.
बीट
टाइप 2 मधुमेह असलेल्या लोकांसाठी बीटरूटचे सेवन फायदेशीर आहे. पोटॅशियम, लोह, मॅंगनीज आणि फायटोकेमिकल्स सारख्या फायबर आणि आवश्यक खनिजांनी समृद्ध, बीटरूट रक्तातील साखर कमी करण्यास आणि शरीरातील इन्सुलिनची पातळी नियंत्रित करण्यास मदत करते.
संत्री आणि लिंबू
संत्र्यासह सर्व लिंबूवर्गीय फळे सुपरफूडच्या श्रेणीत येतात कारण त्यामध्ये व्हिटॅमिन सी भरपूर प्रमाणात असते. ते केवळ रक्तातील साखरेची पातळी नियंत्रित करत नाहीत तर प्रतिकारशक्ती वाढवण्याचे काम करतात. याचा समावेश तुम्ही तुमच्या रोजच्या आहारात करू शकता.
पालक
हिवाळ्यात हिरव्या पालेभाज्या सहज उपलब्ध होतात. ते लोह, व्हिटॅमिन ए, व्हिटॅमिन सी, कॅल्शियम, फॉस्फरस आणि पोटॅशियमचे उत्तम स्रोत आहेत. त्यात कर्बोदकांचे प्रमाण कमी असते, ज्यामुळे ते मधुमेहाच्या रुग्णांसाठी एक आदर्श पर्याय बनते. पालकामध्ये असलेले पोटॅशियम हृदयविकारांशी संबंधित जोखीम कमी करण्यासाठी अत्यंत उपयुक्त आहे.
बाजरी
लोकांना हिवाळ्यात बाजरी खूप आवडते. इतर तृणधान्यांच्या तुलनेत त्यात भरपूर फायबर आणि ग्लायसेमिक इंडेक्स कमी आहे. हे रक्तातील साखरेची पातळी नियंत्रित करते. जर तुम्हाला बाजरी आवडत असेल तर तुम्ही त्यापासून बनवलेले पदार्थ तुमच्या आहारात समाविष्ट करू शकता.
दालचिनी
दालचिनी रक्तातील साखरेची पातळी नियंत्रित करते. त्यात अँटिऑक्सिडेंट गुणधर्म आहेत जे शरीरातील ऑक्सिडेटिव्ह तणाव कमी करण्यास मदत करतात, ज्यामुळे मधुमेह नियंत्रणात मदत होते. दालचिनी ग्लुकोज आणि ट्रायग्लिसराइड्स या दोन्हीच्या पातळीला देखील सामान्य करते, ज्यामुळे मधुमेह आणि अनेक हृदयरोगांचा धोका कमी होतो.
मेथी
त्याचे सेवन खूप फायदेशीर ठरू शकते. हे रक्तातील साखरेची पातळी नियंत्रित करते. त्यात अँटिऑक्सिडेंट गुणधर्म आहेत जे शरीरातील ऑक्सिडेटिव्ह तणाव कमी करण्यास मदत करतात, ज्यामुळे मधुमेह नियंत्रित करण्यास मदत होते. दालचिनी ग्लुकोज आणि ट्रायग्लिसराइड्स किंवा दोन्हीची पातळी देखील सामान्य करते, ज्यामुळे मधुमेह आणि अनेक हृदयरोगांचा धोका कमी होतो.