कोरड्या खोकल्यामुळे शरीर तर कमजोर होतेच. दुसरीकडे हिवाळ्यात सर्दी-खोकला किंवा सर्दी झाल्यास शरीराला जास्त त्रास होतो. जरी खोकला तात्पुरता असला आणि तो घशाचा श्वास घेण्याचा मार्ग मोकळा करतो. अनेकदा खाण्यापिण्यात बदल झाला तरी खोकला होतो. (How to get relief from cough) तसंच धूळ, माती, प्रदूषण इत्यादी अनेक कारणे असू शकतात. कोरडा खोकला आणि घसादुखीची समस्या दूर करण्यासाठी तुम्ही काही घरगुती उपायही वापरू शकता. जेणेकरून तुम्हाला त्वरीत आराम मिळेल आणि तब्येतही चांगली राहिल. (Home Remedies For Cough)
मध
कफसाठी घरगुती उपाय म्हणून मध सर्वोत्तम मानले जाते. त्यातील अँटीऑक्सिडंट्स जंतूंशी लढण्यास मदत करतात. याशिवाय घशातील खवखव दूर करण्यासाठीही मध महत्त्वाचे आहे. हर्बल टी किंवा लिंबूपाण्यात दोन चमचे मध मिसळून दिवसातून दोनदा प्या.
आलं
आल्याने खोकल्याची समस्या दूर होते. हिवाळ्यात काळी मिरी आणि आल्याचा चहा प्यायल्याने खोकल्यामध्ये आराम मिळतो. आल्याचा चहा मधासोबत पिऊ शकता. अदरक चहात घातल्यास अतिप्रमाणात पोट खराब होऊ शकते, त्यामुळे ते मर्यादित प्रमाणात सेवन करावे.
पुदिना
पेपरमिंटचे मेन्थॉल कंपाऊंड खोकल्याला त्रास देऊ शकते. पेपरमिंट घशातील जळजळ आणि वेदनापासून आराम मिळवून देण्यासाठी देखील उपयुक्त आहे. पेपरमिंट चहा दिवसातून दोन ते तीन वेळा प्यायल्याने घशातील खोकल्याच्या समस्येवर आराम मिळतो. तुम्ही अरोमाथेरपी म्हणून पेपरमिंट तेल देखील वापरू शकता. हिवाळ्यात पुदिना वापरणे फायदेशीर आहे.
हळद
गरम दुधात हळद मिसळून प्यायल्यास सर्दी आणि खोकल्याशी लढण्यास मदत होते. झोपण्यापूर्वी एक ग्लास कोमट दुधात हळद मिसळून प्या. सर्दी आणि खोकल्यापासून लवकर आराम मिळेल.
मीठाच्या पाण्यानं गुळण्या करणं
मिठाच्या पाण्याने गुळण्या करणे शरीरासाठी उपयुक्त. घशातील खवखव कमी करण्यासाठी मिठाच्या पाण्याने गुळण्या केल्यानं फुफ्फुसातील कफ कमी होऊ शकतो. एक चतुर्थांश मीठ एक कप गरम पाण्यात मिसळून दिवसातून २ ते ३ वेळा गुळण्या करा. टॉन्सिल्ससाठीही हे फायदेशीर आहे.
निलगिरी
निलगिरी तेल श्वसनमार्ग स्वच्छ करते. खोबरेल तेल किंवा ऑलिव्ह ऑइलमध्ये निलगिरीचे थेंब मिसळून छातीला मसाज करा. याशिवाय गरम पाण्यात निलगिरी तेलाचे थेंब मिसळून वाफ घेता येते. निलगिरी छाती हलकी करते आणि श्वास घेणे सोपे करते. घरगुती उपयांनीही तुम्हाला बरं वाटत नसेल किंवा त्रास तीव्रतेनं वाढत असेल तर त्वरीत डॉक्टरांशी संपर्क साधून उपचार घ्या.