थंडीचे दिवस आले की सर्दी- खोकला, कफ असा त्रास अनेक जणांना सुरू होतो. एकदा का सर्दी- खोकला झाला की एकवेळ सर्दी तरी २- ३ दिवसांत बरी होते. पण काही जणांचा खोकला मात्र लवकर पाठ सोडतच नाही. कितीही उपाय केले तरी जाता जात नाही. खोकून खोकून अक्षरश: छातीच्या बरगड्या दुखू लागतात. असा खोकल्याचा त्रास (Ayurvedic solution for dry cough) होत असेल तर त्यावर एक सोपा घरगुती उपाय करून बघा. (Home remedies for dry cough)
कोरड्या खोकल्यावर घरगुती उपाय १. हा उपाय डॉ. मिहीर खत्री यांनी vaidya_mihir_khatri या त्यांच्या इन्स्टाग्राम पेजवर शेअर केला आहे. ते म्हणतात की खोकला सुरू झाल्यावर आपण हळद, आलं, गूळ असे काही पदार्थ घेतो आणि घरगुती उपाय करून पाहतो. पण त्याने म्हणावा तसा फरक पडत नाही. किंवा कफ कमी झाला तरी खोकला मात्र जशाला तसाच असतो.
सारखी ॲसिडिटी, छातीत जळजळ? ८ सोपे घरगुती उपाय, चटकन मिळेल आराम
२. म्हणूनच अशावेळी हा एक उपाय करून बघा. यासाठी आपल्याला ५ वेलची, अर्धा टीस्पून कोमट तूप आणि अर्धा टीस्पून खडीसाखरेची पावडर असं साहित्य लागणार आहे.
३. सगळ्यात आधी तर वेलचीची पूड करून घ्या. त्यात तूप आणि खडीसाखरेची पावडर घाला. हे चाटण दिवसांतून ३ ते ४ वेळा घ्या. एका दिवसांतच चांगला फरक दिसून येईल, असं डॉक्टरांचं म्हणणं आहे.
हा उपायही करून बघा... वरील चाटण तर घ्यावेच पण खोकला लवकर कमी होण्यासाठी आणखी २ उपाय करण्याचा सल्लाही डॉक्टरांनी दिला आहे. ते उपाय म्हणजे...
१. मोहरीचं तेल थोडं गरम करा आणि त्या गरम तेलाने घशाला बाहेरून मसाज करा.
२. खोकला असेपर्यंत शक्यतो कमी किंवा आवश्यक तेवढंच बोलण्याचा प्रयत्न करा.