अवरोधित धमन्यांना वैद्यकीयदृष्ट्या एथेरोस्क्लेरोसिस म्हणतात. शिरा किंवा धमन्या आतून जाड झाल्या की ब्लॉक होतात. रक्तवाहिन्या जाड होण्याचे कारण म्हणजे चरबी, जी हळूहळू शिरामध्ये जमा होते. रक्तवाहिन्यांमधील चरबीचे प्रमाण वाढल्यामुळे रक्तप्रवाह मंदावतो तर कधी थांबतो. (How to Unclog Arteries) इतर अनेक रोग आणि बाह्य घटकांमुळे एथेरोस्क्लेरोसिस होऊ शकते. परंतु रक्तवाहिन्यांच्या आरोग्यावर सर्वात वाईट परिणाम आपण खाल्लेल्या अनहेल्दी गोष्टींचा होतो. तळलेले अन्न, प्रक्रिया केलेले अन्न, केक, स्नॅक्स, तेल, लोणी यांसारख्या गोष्टींमुळे चरबी वाढते. नसा ब्लॉक होण्याची शक्यताही वाढते. ( According a research published in ncbi 10 food that can open blocked heart arteries naturally)
लसूण
NCBI वर प्रकाशित केलेल्या अभ्यासानुसार, लसूण हे एक सुपरफूड आहे जे विविध आरोग्य फायदे आणि पोषक तत्वे देते. हे ऑर्गेनोसल्फर संयुगांचा खजिना आहे, जे जळजळ, कोलेस्टेरॉल आणि उच्च रक्तदाब कमी करण्यास मदत करतात. याशिवाय आहारात लिंबूवर्गीय फळे, बेरी, फॅटी फिश, शेंगा, एवोकॅडो इत्यादींचे सेवन करावे.
पालेभाज्या
पालक, ब्रोकोली, कोबी इत्यादी पालेभाज्या रक्तवाहिन्यांच्या भिंती (ज्या एथेरोस्क्लेरोसिसमुळे घट्ट होऊ शकतात) विस्तारण्यास मदत करतात. ते रक्तातील साखरेची पातळी आणि कोलेस्टेरॉल देखील कमी करतात.
शुगर लेव्हल कमी करणाऱ्या १२ औषधी वनस्पती; डायबिटीस वाढण्याचं टेंशन राहील दूर
टोमॅटो
टोमॅटोमध्ये लाइकोपीन भरपूर प्रमाणात असते, जे शरीरात चांगले कोलेस्ट्रॉल वाढवते. अभ्यास दर्शवितो की जे लोक नियमितपणे टोमॅटोचे सेवन करतात त्यांना विविध हृदयरोग होण्याचा धोका कमी असतो.
नट्स
अक्रोड आणि बदामासारखे नट हे अनेक पोषक तत्वांचा उत्तम स्रोत आहेत. त्यामुळे हृदय निरोगी राहते. नियमितपणे अक्रोडाचे सेवन केल्याने बंद झालेल्या धमन्या उघडण्यास आणि त्या निरोगी राहण्यास मदत होते.
वाढलेलं युरीक ॲसिड कंट्रोलमध्ये ठेवतात ५ सवयी; त्रास वाढण्यापूर्वी घ्या काळजी
फ्लेक्स सीड्स
फ्लेक्स सीड्स आणि चिया सीड्स यांसारख्या बियांमध्ये अँटिऑक्सिडंट्स आणि फायबर भरपूर प्रमाणात असतात. या दोन्ही गोष्टी हृदयाच्या आरोग्याला चालना देण्यासाठी आणि इन्सुलिनची पातळी सुधारण्यासाठी उपयुक्त आहेत. इन्सुलिनमध्ये गडबड होण्याचे हे एक प्रमुख कारण असू शकते.