पावसाळा सुरु झाल्यानंतर रोगप्रतिकारक शक्ती कमकुवत होऊन पावसामुळे आजारी पडण्याचा धोकाही जास्त असतो. यामुळेच या ऋतूत आरोग्याची काळजी घेणे अत्यंत गरजेचे आहे. पावसाळ्यात फ्लू, सर्दी, खोकला आणि घसा खवखवणे यासह विविध संसर्गाचा धोका वाढू शकतो. (Monsoon Health Care Tips) या वातावरणात बहुतेकांना पोटाच्या समस्यांना सामोरे जावे लागते. यामुळेच आरोग्य तज्ज्ञ रोग टाळण्यासाठी आणि तीव्रता कमी करण्यासाठी रोगप्रतिकारक शक्ती मजबूत करण्यावर भर देतात. (Clinical nutritionist lovneet batra suggest 5 kitchen herbs to beat monsoon diseases naturally)
क्लिनिकल न्यूट्रिशनिस्ट लवनीत बत्रा यांनी आपल्या इंस्टाग्रामवर एका पोस्टद्वारे सांगितले आहे की, पावसाळ्याच्या दिवसात स्वयंपाकघरात कोणत्या वस्तूंचा आहारात समावेश करून तुम्ही रोगप्रतिकारक शक्ती मजबूत करू शकता आणि आजारांचा धोका कमी करू शकता.
काळी मिरी
अख्खी काळी मिरी किंवा पावडरमध्ये कार्मिनेटिव गुणधर्म असतात ज्यामुळे आतड्यांतील आणि इतर जठर रोगविषयक समस्या उद्भवण्याची शक्यता कमी होते. यात दाहक-विरोधी, अँटिऑक्सिडेंट, अँटी-बॅक्टेरियल आणि ताप कमी करणारे गुणधर्म आहेत. इतकेच नाही तर काळी मिरी रोगप्रतिकारकशक्ती देखील वाढवते.
आलं
आल्यामध्ये जिंजरॉल, पॅराडोल, सेस्क्युटरपीन, शोगाओल असते. या सर्व पोषक घटकांमध्ये दाहक आणि अँटिऑक्सिडेंट गुणधर्म आहेत. याव्यतिरिक्त, आले शरीराच्या ऊतींमध्ये पोषक तत्वांचे शोषण सुधारते. जे सर्दी आणि फ्लू ला दूर ठेवण्यासाठी अत्यंत आवश्यक असतात.
तुळस
तुळशीमुळे तणाव दूर होण्यास आणि ऊर्जा पातळी वाढण्यास मदत होते. तुळशीमध्ये अँटिऑक्सिडेंट, अँटी-इंफ्लेमेटरी आणि अँटी-एजिंग गुणधर्म देखील असतात जे शरीरातील हानिकारक फ्री रॅडिकल्सशी लढतात.
हळद
हळद ही एक प्रभावी औषधी वनस्पती आहे. त्याचे दाहक-विरोधी, अँटी-मायक्रोबियल आणि अँटी-बॅक्टेरियल अर्क आपल्याला संक्रमणांशी लढण्यास आणि प्रतिकारशक्ती वाढविण्यास मदत करू शकतात.
जीवनसत्त्वे
आणि खनिजे समृद्ध, हा जादुई मसाला संपूर्ण आरोग्यास प्रोत्साहन देतो.
लसूण
असाच आणखी एक सुपर फूड म्हणजे लसूण, ज्याचा तुम्ही तुमच्या आहारात समावेश केलाच पाहिजे, विशेषतः पावसाळ्यात. लसणामध्ये अॅलिसिन नावाचे एक संयुग असते, जे रोगप्रतिकारक शक्ती वाढविण्यास मदत करते. हे आपल्या शरीराचे विविध संक्रमणांपासून संरक्षण करण्यास मदत करते.