घरोघरच्या महिला रोजच्या कामाच्या नादात आरोग्याकडे फारसं लक्ष देत नाहीत. वेळेवर न खाणं, पाणी कमी पिणं, भाजी संपल्यानंतर चपाती किंवा भात चटणी, लोणचं यासह खाणं असं महिला अनेकदा करतात. त्यामुळे पचनक्रिया खराब होऊ शकते. पाईल्स हा एक असा आजार आहे जो मलाशय आणि किडनीतील सुजेमुळे वाढत जातो. यादरम्यान मल त्याग करणं वेदनादायक ठरतं. अनेकदा मलासह रक्तही बाहेर पडतं. पाईल्स दोन प्रकारचे असते. आतील आणि बाहेरील. आतल्या पाईल्समध्ये मल त्याग करताना रक्त बाहेर येतं. तर बाहेरील पाईल्समध्ये सुज येते या सुजेमुळे वेदना आणि खाजेची समस्या उद्भवते.
उपचार म्हणून, बहुतेकदा विशिष्ट प्रकारचे खाद्यपदार्थ खाण्याचा आणि काही टाळण्याचा सल्ला दिला जातो. डॉक्टर बहुतेकदा पाईल्स असलेल्या लोकांना फायबर समृद्ध असलेले पदार्थ खाण्यास सांगतात. फायबर मलाला मऊ करते, त्यामुळे बाहेर निघणं सोपं होतं. जर आपल्याला पाईल्सचा त्रास होत असेल तर पाणी आणि फळांच्या रसाचा आहारात समावेश करावा.
पोट व्यवस्थित साफ होण्यासाठी आहार कसा असावा?
आपल्या आहारात ब्राऊन राईस, ओट्स, गहू सारख्या बरीच धान्ये घ्या. ज्या धान्यात फायबरची फार चांगली मात्रा आढळते. त्यांचे सेवन केल्याने, मल मऊ होतो आणि आतड्यांसंबंधी हालचाली दरम्यान वेदना कमी होते.
फळांचे सेवन भरपूर करा
अँटीऑक्सिडेंट्स आणि पोषक द्रव्यांसह समृद्ध असलेली फळं आतड्यांच्या हालचालींवर नियंत्रण ठेवतात. पाईल्स असलेल्या लोकांनी फळं सालांसकट खायला हवी. फळांमध्ये फायबर, जीवनसत्त्वे आणि खनिज समृद्ध असतात, जे आरोग्यासाठीही चांगले असतात.
हर्बल टी, केळी
वेगवेगळ्या प्रकारची हर्बल टी हे पाईल्सचा त्रास बरा करण्यास मदत करू शकतात. हर्बल चहा पिण्यामुळे सूज आणि कमी होते. या आजाराने ग्रस्त व्यक्तीनं केळी खाल्ल्यास त्याला आराम मिळतो. केळी दाह कमी करून आतड्यांची हालचाल सुलभ करते. बॅक्टेरियाच्या वाढीस प्रतिबंध करणारा हा पदार्थ आरोग्यासाठी फायदेशीर ठरतो.
खूप पाणी प्या
आहारामध्ये भरपूर पाण्याचा समावेश असावा. हे पचनक्रिया साफ करण्यास मदत करते. एवढेच नव्हे तर पिण्याचे पाणी शरीरात पाण्याची कमतरता भागवते, म्हणून पाईल्स असलेल्या व्यक्तीने दररोज किमान 3 लिटर पाणी प्यावे.
हिरव्या भाज्यांचे सेवन
हिरव्या पालेभाज्या खाल्ल्याने पचनक्रिया चांगली होते. ब्रोकोली, कोबी, गाजर, फुलकोबी आणि टोमॅटो मूळव्याध असलेल्या रुग्णांना हिरव्या भाज्यांचे सेवन करण्याचा सल्ला दिला जातो. या भाज्यांमध्ये फायबरचे प्रमाण जास्त असल्याने ब्लॉकेजची समस्या वाढत नाही.
फळांच्या रसाचे सेवन
हायड्रेटेड राहण्यासाठी दिवसभरात विविध प्रकारचे फळाचे रस प्यायला हवेत. हे केवळ विषारी पदार्थ बाहेर टाकत नाही तर त्यामध्ये उपस्थित अँटीऑक्सिडंटमुळे जळजळ आणि वेदना कमी होते. त्यातील फायबर्स पचनक्रिया चांगली ठेवण्यासाठी फायदेशीर ठरतात.
काय खायचं नाही
आपल्याला मूळव्याध असल्यास फ्रेंच फ्राईजसारखे जास्त तळलेले पदार्थ खाणे टाळा. खरं तर, तेलकट आणि तळलेल्या खाद्यपदार्थांमध्ये भरपूर प्रमाणात चरबी असते. त्यामुळे पचनक्रियेवर दबाव येऊन अशक्तपणा वाढतो. व्हाईड ब्रेड मैद्यापासून तयार झाल्यानं पचवणं खूपच अवघड असतं. म्हणून पचनक्रियेच्या समस्या टाळण्यासाठी ब्रेडचे सेवन करू नका.
आहारात ताजी फळं, भाज्यांचे सेवन करा.
दिवसभरात कमीत कमी ८ ते १० ग्लास पाणी प्या
जास्तवेळ शौचालयात बसून राहू नका.
मल त्याग करताना वेदना होत असतील त्वरीत डॉक्टरांची संपर्क साधा
मल त्याग करताना मासपेशींवर दबाव टाकू नका.
दुपारच्या जेवणात दह्याचे सेवन करा.