What If We Eat Rice And Roti Together : रोजच्या जेवणात चपाती आधी अन् भात नंतर खाता?  तज्ज्ञांनी सांगितले चांगल्या आरोग्यासाठी खाण्याचे नियम 

What If We Eat Rice And Roti Together : दोन्ही धान्य एकत्र ताटात ठेवण्यामध्ये काहीही नुकसान नाही.  जेवणात गहू आणि तांदूळ एकत्र खाण्याने काहीही नुकसान होत नाही. प्रत्येक खाद्यपदार्थाचा पचनाचा वेग वेगळा असतो जो अन्नाच्या पौष्टिकतेवर अवलंबून असतो.

खाण्यापिण्याच्या बाबतीत प्रत्येकाच्या वेगवेगळ्या विचारसरणी असतात. भारतीयांच्या जेवणात डाळ, भात यांचा समावेश असतो. आता चपाती आणि भात एकत्र खाणे आरोग्यदायी आहे की नाही, असा प्रश्न उपस्थित होत आहे. भात आणि चपाती एकत्र खाऊ नये असं अनेकांचं म्हणणं असतं.  धान्य हा ऊर्जेचा अत्यावश्यक स्त्रोत असल्याने. हे फायबर, जीवनसत्त्वे, खनिजे, कार्बोहायड्रेट्स आणि प्रथिने यांचा एक चांगला आणि महत्त्वाचा स्रोत आहे. त्यामुळे त्याच्याशी संबंधित तथ्ये जाणून घेणे अत्यंत आवश्यक आहे.(Nutritionist explained should you eat rice and roti or chapati together or not)

भात आणि चपाती खरंच वेगळे खावेत का?  भात आणि चपाती एकत्र खाल्ल्यास काय होते? याबाबतआकांक्षा झालानी सिन्हा (संस्थापक, बियाँड द वेटिंग स्केल आणि रमाणी सूद, संस्थापक, वेलनेस टू लाइफस्टाइल) यांनी एका हिंदी वेबसाईटशी बोलताना अधिक माहिती दिली आहे.

1) भात आणि चपाती एकत्र खायचे की नाही?

 दोन्ही धान्य एकत्र ताटात ठेवण्यामध्ये काहीही नुकसान नाही.  जेवणात गहू आणि तांदूळ एकत्र खाण्याने काहीही नुकसान होत नाही. प्रत्येक खाद्यपदार्थाचा पचनाचा वेग वेगळा असतो जो अन्नाच्या पौष्टिकतेवर अवलंबून असतो. पुढे, जेव्हा कॅलरीजचा विचार केला जातो, तेव्हा गहू आणि तांदूळ दोन्हीची प्रोफाइल जवळजवळ समान असते, परंतु त्यांच्या फायबर दरामध्ये फरक आहे. गहू त्याचे फायबर टिकवून ठेवतो ज्यामुळे तुमच्या शरीरातील साखर नंतर बाहेर पडण्यास मदत होते तर साधे कर्बोदके असलेले तांदूळ शरीरात साखर वाढवण्यास कारणीभूत ठरतात.

जीवघेण्या कॅन्सरचं कारण ठरतात रोजच्या खाण्यातले ६ पदार्थ; वेळीच तब्येत सांभाळा

२) भाज्या आणि सॅलेड

जेवणात भाज्या आणि सॅलेड खाण्यावर भर द्यायला हवा. फायबर समृद्ध भाज्या आणि सॅलडसह तृणधान्ये खाण्याचा प्रयत्न करा. दोन धान्यांच्या विविध पौष्टिक गुणधर्मांमुळे एका वेळी फक्त एकच धान्य खाण्याची शिफारस केली जाते. वेगवेगळ्या धान्यांच्या सेवनामध्ये किमान दोन तासांचे अंतर ठेवावे.

या दोन्ही पदार्थांमध्ये कार्बोहायड्रेटचे प्रमाण जास्त असते. ते एकत्र ठेवल्याने तुमच्या शरीरात स्टार्चचे शोषण कमी होते. असे केल्यास अपचन होण्याबरोबरच पोटफुगीचा त्रास होऊ शकतो.  अशा स्थितीत, जर चपाती भात एकत्र खाणे तुमच्यासाठी चांगले काम करत असेल आणि तुम्ही तंदुरुस्त आणि निरोगी असाल तर त्यांना एकत्र ठेवा. आणि जर तुम्ही अशा लोकांपैकी एक असाल ज्यांना आपल्या जेवणावर विशेष लक्ष द्यायला आवडते तर तुम्ही जेवणात चपाती आणि भात एकत्र खाणे टाळले पाहिजे.