पावसाळ्यात संसर्गजन्य आजार वाढत जातात. त्यामुळे या दिवसांत संसर्गापासून लांब राहण्यासाठी प्रत्येकानेच स्वत:ला जपले पाहिजे. पावसाळ्यात डासांचे प्रमाण वाढते. त्यामुळे डासांमार्फत होणारे डेंग्यू, मलेरिया असे आजारही वाढतात. हे आजार ज्या एडिस डासामुळे होतात, त्याच डासामुळे झिका व्हायरसही पसरला जातो. झिका व्हायरसने बाधित असणारा डास जेव्हा निरोगी व्यक्तीला चावतो, तेव्हा त्या व्यक्तीला झिका व्हायरसची लागण होऊ शकते (what are the symptoms of zika virus?). जगभरात या आजाराचे तुरळक रुग्ण सापडत असले तरी हा आजार आपल्यापर्यंत येऊ नये म्हणून प्रत्येक नागरिकाने काळजी घेतली पाहिजे, असे आवाहन डॉक्टर करत आहेत. (Prevention and control measures for Zika virus disease)
झिका व्हायरसची लागण झाल्याची लक्षणं कोणती?
त्वचेवर पुरळ येणे आणि त्याला खाज येणे.
सर्दीसोबतच तापही असणे.
खूप घाम येणे.
स्नायूंमध्ये वेदना असणे.
तीव्र डोकेदुखी आणि खूप थकवा.
भूक कमी होणे किंवा काही खाण्याची इच्छा न होणे.
आजार टाळण्यासाठी काय काळजी घ्यावी?
१. झिका आजाराची लागण डासांमुळे होते. त्यामुळे आपल्या आजुबाजुला डास असणार नाहीत किंवा निर्माण होणार नाहीत याची काळजी घ्यावी.
२. पाच दिवसांतून एकदा घरातली पाण्याची सगळी भांडी रिकामी करून स्वच्छ घासावी. कारण भांड्याच्या ओलसर भागांत डासांची अंडी असू शकतात. ती भांडी पुर्णपणे वाळून कोरडी झाल्यानंतरच पुन्हा त्यात पाणी भरा.
वजन कमी करायचं? बघा चिमूटभर ओव्याची कमाल! वजन घटविण्यासाठी 'असं' प्या ओव्याचं पाणी
३. घराच्या आजुबाजुला असणाऱ्या कोणत्याही वस्तूमध्ये पाणी साचून राहणार नाही याची काळजी घ्या.
४. घरात मनी प्लांट, बांम्बू प्लांट किंवा इतर कोणतीही वनस्पती ठेवत असाल तर त्यात पाणी साचून ठेवू नका.
५. डासांना पळवून लावणाऱ्या साधनांचा पुरेपूर वापर करा.
६. अंग झाकून राहील असे कपडे घाला. जेणेकरून डास चावणार नाहीत.