एखादा कार्यक्रम असेल किंवा परिक्षा, मासिक पाळी पुढे ढकलण्यासाठी अनेकजणी पाळी लांब करण्याच्या गोळ्या घेतात. या गोळ्यांच्या सेवनाबाबत लोकांच्या मनात अनेक समज गैरसमज आहेत. म्हणूनच शरीरात गेल्यानंतर या गोळ्या नक्की काय करतात हे समजून घेणं गरजेचं आहे. स्त्री रोगतज्ज्ञांनी याबाबत अधिक माहिती दिली आहे. (Period Delay Pills)
इंस्टाग्रामवर, डॉ तनाया उर्फ डॉ क्युटरस यांनी एका व्हिडिओमध्ये या गोळ्यांबाबतचे गैरसमज दूर केले आहेत. त्या सांगतात, ''तुम्ही या गोळ्या पाहिल्या असतील ज्या लोक त्यांच्या मासिक पाळी पुढे ढकलण्यासाठी घेतात, उदाहरणार्थ त्यांच्याकडे लग्नासारखा मोठा कार्यक्रम किंवा परीक्षा असेल आणि त्यांना पीरियडचा त्रास नको असेल, ते लोक या गोळ्या घेतात. (Do period delay pills really cause pregnancy problems? Doctor says...)
गर्भाशयाच्या आतील अस्तर, ज्याला एंडोमेट्रियम देखील म्हणतात . हे मजबूत गर्भाशयाच्या आत स्थिर असणे आवश्यक आहे. गर्भाशय हार्मोन प्रोजेस्टेरॉनचे एखाद्या मिल्कशेकप्रमाणे सेवन करते असा विनोद त्यांनी केला. डॉ. तनाया पुढे म्हणतात की जोपर्यंत प्रोजेस्टेरॉन ‘मिल्कशेक’ आहे तोपर्यंत एंडोमेट्रियम मजबूत आणि स्थिर राहील. “पण, ज्या क्षणी तुम्ही प्रोजेस्टेरॉन मिल्कशेक काढून टाकता त्यावेळी गर्भाशयाचे आतील आवरण बाहेर पडते. आणि अशा प्रकारे या गोळ्या काम करतात. याद्वारे तुम्हाला प्रोजेस्टेरॉनचा अतिरिक्त डोस मिळतो, त्यामुळे गर्भाशय आनंदी राहते आणि एंडोमेट्रियम थोडा जास्त काळ चांगले आणि मजबूत राहते,”
डॉक्टर निर्मला यांनी इंडियन एक्सप्रेसशी बोलताना सांगितले की, ''तुमची मासिक पाळी संपल्यानंतर साधारणतः दोन आठवडे अशा गोळ्या किंवा औषधे वापरून तुमची पाळी उशीर करणे शक्य आहे. ज्याला पीरियड-विलंबाची गोळी घ्यायची आहे.
त्याला मासिक पाळी येण्यापूर्वी सुमारे तीन दिवस ती घेणे सुरू करावे लागेल. त्यांना डॉक्टरांच्या सल्ल्यानुसार दिवसातून तीन वेळा किंवा एकदा गोळ्या घ्याव्या लागतील. जोपर्यंत त्यांना मासिक पाळीला विलंब करायचा आहे तोपर्यंत. (जास्तीत जास्त 15-17 दिवसांच्या गोळ्या)
त्यांनी डॉ तनया यांच्याशी सहमती दर्शवली आणि सांगितले की, ''पाळी-विलंबाच्या गोळ्या गर्भनिरोधक नाहीत आणि गर्भधारणा टाळण्यासाठी त्यांचा वापर केला जाऊ शकत नाही. या गोळ्या स्वत:च्या मनानं घेण्यापूर्वी तुम्ही तुमच्या जवळच्या डॉक्टरांचा सल्ला घ्याल याची खात्री करा."