जगभरातील ट्रेण्ड, लाईफस्टाईल आणि लोकांच्या सवयी या बदलत चालल्या आहेत (Parenting Tips). अशा स्थितीत मुलांना संस्कार लावण्यामध्येही बदल घडत आहेत (Mental health). मुलं ही हट्टी असतात. पण काही फार हट्टी असतात. पालकांचे ते म्हणणे ऐकून घेत नाहीत. पालकांना उद्धट उतरं देतात.
अशावेळी पालकही मुलांवर हात उगारतात. त्यांना ओरडतात. ज्यामुळे मुलं मानसिकरित्या खचतात, आणि त्यांना त्रास होतो. त्यांचं कोणत्याही गोष्टीत मन लागत नाही, आणि याचा परिणाम अभ्यासावरही दिसून येतो. जेव्हा पाल्य पालकांचे ऐकत नाही तेव्हा ते त्यांच्यावर रागावतात. पण न रागावता मुलांना समजावून सांगायचं असेल तर ३ टिप्स फॉलो करा. चीड चीड न करताही मुलांना शिस्त लागेल(What To Do When Kids Won't Listen).
स्वातंत्र्य द्या
जर मुलं आपलं ऐकत नसतील तर, त्यांच्यासोबत मित्राप्रमाणे वागा. जर पालक म्हणून वागणूक द्याल तर, कदाचित तुमच्यापासून मुलं लांब जाऊ शकतील. त्यामुळे मुलांना अडवणूक लावू नका, ओरडू नका आणि स्वातंत्र्य द्या. त्यांना हवे ते करण्याची संधी द्या. शिवाय त्यांच्या निर्णयाला सपोर्ट करा.
सुनील शेट्टी सांगतो ३ नियम, वयासोबत फिटनेसही वाढेल आणि आजार जवळपास फिरकणार नाहीत
आदर द्या
मुलाने आपलं ऐकावं आणि आदर करावा असं वाटत असेल तर, मुलांचाही आदर करा. त्यांना काही गोष्टी करायच्या असतील तर, करू द्या. यामुळे मुलं आनंदी होतील. त्यांना अडवणूक लावू नका. मुलांचा कोणत्याही व्यक्तीसमोर अनादर करू नका.
संयम ठेवा
स्वतःला नेहमी सकारात्मक ठेवा. यामुळे मुलंही सकारात्मक राहतील. नकारात्मक राहिल्यावर आपण आपल्या मुलांना ओरडू शकता, आणि हातही उगारू शकता. त्यामुळे त्यांनी घेतलेल्या निर्णयावर त्यांच्यावर ओरडू नका, संयमाने गोष्टी हाताळा.