१५ मिनिटांत घरीच करा राईस फेशियल, एवढा ग्लो येईल की पार्लरमधले महागडे फेशियलही फिके पडेल

सध्या लग्नसराईचे दिवस आहेत. पण बऱ्याचदा असं होतं की आपल्याला पार्लरमध्ये जायला वेळ मिळत नाही. अशावेळी घरच्याघरी राईस फेशियल करून पाहा.

फक्त १५ मिनिटांत होणाऱ्या या फेशियलमुळे चेहऱ्यावर एवढा ग्लो येईल की त्यानंतर तुम्ही स्वत:च घरच्याघरी हे फेशियल नियमितपणे कराल.

राईस फेशियल कसं करावं, याविषयी माहिती सांगणारा व्हिडिओ beautywithsaru या इन्स्टाग्राम पेजवर शेअर करण्यात आला आहे. यामध्ये असं सांगितलं आहे की सुरुवातीला कच्चं दूध आणि मध यांच्या मिश्रणाने चेहऱ्याला २ ते ३ मिनिटांसाठी मसाज करा. यामुळे त्वचेवरचा मळ निघून जाईल आणि त्वचा छान हायड्रेटेड होईल.

यानंतर या मिश्रणात थोडे तांदळाचे पीठ टाका आणि त्याने चेहऱ्याला २ ते ३ मिनिटांसाठी मसाज करा. यामुळे त्वचेवरचं टॅनिंग, डेडस्किन निघून जाईल.

यानंतरची तिसरी स्टेप म्हणजे बेसन पीठ, तांदळाचं पीठ आणि दही हे समप्रमाणात घ्या आणि त्याचा लेप चेहऱ्याला लावा. हा फेसमास्क सुकत आला की हलक्या हाताने चोळून काढून टाका.

यानंतर चेहरा धुवून घ्या आणि व्यवस्थित मॉईश्चराईज करा. चेहऱ्यावर खूप छान ग्लो येईल.