फक्त ६ पदार्थ रोज आठवणीने खा! केसांचे सगळे प्रॉब्लेम संपतील, केस गळणार नाहीत- वाढतील भराभर

केस गळून गळून खूप पातळ झाले असतील, केसांची वाढ खुंटली असेल किंवा केस कमी वयातच पांढरे झाले असतील तर लगेच तुमच्या आहारात थोडा बदल करा.

केसांच्या उत्तम आरोग्यासाठी कोणते पदार्थ उपयुक्त आहेत, याविषयीचा व्हिडिओ डॉक्टरांनी drnikki_ayurveda_health या इन्स्टाग्राम पेजवर शेअर केला आहे. त्यामध्ये आयुर्वेदानुसार केसांसाठी उत्तम ठरणारे पदार्थ कोणते, याविषयीची माहिती दिली आहे.

हे ६ पदार्थ जर तुम्ही नियमितपणे खाल्ले तर केसांच्या समस्या कमी करण्यासाठी इतर कोणत्याही उपायांची गरज पडणार नाही, असं त्या व्हिडिओमध्ये सांगितलं आहे.

यातला पहिला पदार्थ आहे बदाम. रोज ४ बदाम खावेत. त्यातून आपल्याला व्हिटॅमिन ई, बी १, बी ६, झिंक, ओमेगा ३, सेलेनियम आणि मॅग्नेशियम मिळतं. या सगळ्या गोष्टी केसांच्या वाढीसाठी अतिशय फायदेशीर ठरतात.

दुसरं आहे भोपळ्याच्या बिया. त्यातून ओमेगा ३ फॅटी ॲसिड आणि फायटो केमिकल मिळतं. जे केसांच्या मुळांच्या मजबुतीसाठी उपयुक्त ठरतं. तसेच या पदार्थांमुळे टाळूवरील कोरडेपणा कमी होतो.

सुर्यफुलाच्या बियाही नियमित खाव्या. त्यातून झिंक, मॅग्नेशियम, सेलेनियम मिळतं. जे केसांच्या वाढीसाठी फायदेशीर असतं.

काळ्या मनुका नियमितपणे खाल्ल्यास केस काळे राहण्यास मदत होते.

अक्रोडमध्ये ओमेगा ३, ओमेगा ६, ओमेगा ९ आणि पोटॅशियम असते. अक्रोड नियमितपणे खाल्ल्यास केसातला कोंडा बऱ्याच प्रमाणात कमी होतो.

अंजीरामध्ये फायबर, कॅल्शियम, लोह, सोडियम, व्हिटॅमिन डी असतं. त्यामुळे केसांची चांगली वाढ होते. तसेच केस चमकदार होऊन ते दिर्घकाळ काळे राहण्यास मदत होते.