तुम्हाला खूप जास्त घाम येतो? ५ उपाय करा, घाम जास्त येण्याची कारणं असू शकतात गंभीर

उन्हाळा असल्यामुळे घाम येणं साहजिक आहे. पण आपल्या आजुबाजुला आपण असे बरेच लोक पाहातो ज्यांना इतरांपेक्षा थोडा जास्तच घाम येतो. बऱ्याचदा त्यांचं डोकं, अंग आणि चेहराही घामाने डबडबलेला असतो..

असा अतिप्रमाणात घाम येणं निश्चितच आरोग्यासाठी चांगलं नाही. त्यासाठी तुम्ही डॉक्टरांकडे जाऊन योग्य सल्ला नक्कीच घ्यावा. पण त्याआधी हे काही घरगुती उपाय करून घाम नियंत्रित ठेवण्याचा प्रयत्नही नक्कीच करून पाहा.

मान, गळा, काख अशा ज्याठिकाणी तुम्हाला जास्त घाम येतो, त्याठिकाणी दिवसांतून दोन वेळा थोडा बर्फ चोळून पाहा.

घाम जास्त येणाऱ्या भागाला काकडीचा रस करून लावा आणि त्यानंतर साधारण १० ते १५ मिनिटांनी आंघोळ करा. घाम येण्याचं प्रमाण कमी होईल.

रोज एक कच्चा टोमॅटो खा. सलाड, ज्यूस, कोशिंबीर अशा कोणत्याही माध्यमातून तो खाल्ला तरी चालेल. यामुळेही घाम येण्याचे प्रमाण बरेच कमी होते.

काही जणांच्या तळपायाला खूप घाम येतो. अशा लोकांनी तुरटीच्या पाण्यात काही वेळ पाय बुडवून बसावे.

तुमच्या आहारातले मिठाचे प्रमाण कमी केल्यानेही घाम येण्याचे प्रमाण कमी होऊ शकते.