हातापायाची त्वचा थंडीमुळे कोरडी पडली? हा घरगुती लेप लावा- त्वचा होईल मऊ- चमकदार

थंडीमुळे हातापायाची त्वचा खूप कोरडी पडते. अंग उलल्यासारखे होते. थंडीमध्ये बऱ्याच जणांची त्वचा टॅन हाेऊन अगदी काळवंडून जाते.(homemade scrub for dry skin in winter)

असं झालं असल्यास त्वचेवरचे पिगमेंटेशन कसे कमी करायचे आणि त्वचेला नैसर्गिक पद्धतीने पुन्हा मऊ- मुलायम कसं करायचं (how to make scrub for glowing skin at home?), याविषयी माहिती सांगणारा व्हिडिओ डॉक्टरांनी dr.vivek_joshi या इन्स्टाग्राम पेजवर शेअर केला आहे.(best home remedies for winter skin care)

यामध्ये असं सांगण्यात आलं आहे की सगळ्यात आधी एका वाटीमध्ये १ टेबलस्पून खोबरेल तेल घ्या. कारण हिवाळ्यात कोरड्या पडलेल्या त्वचेला पुन्हा मऊ, मुलायम करण्यासाठी खोबरेल तेल अतिशय उपयुक्त ठरते.

यानंतर खोबरेल तेलामध्ये १ टीस्पून साखर टाका. साखरेमुळे त्वचेवरील डेड स्किन तर निघून जातेच पण साखरेमध्ये असणारे घटक त्वचेला छान चमक देतात.

त्यानंतर त्यामध्ये १ टीस्पून लिंबाचा रस टाका. लिंबाचा रस हा नॅचरल ब्लिचिंग एजंट म्हणून ओळखला जातो. त्वचेवरचं टॅनिंग काढून टाकण्यासाठी तो उपयुक्त ठरतो.

सगळ्यात शेवटी या मिश्रणात १ टेबलस्पून मध टाका. कारण मध त्वचेला खूप छान हायड्रेटेड ठेवतो. हे सगळे पदार्थ व्यवस्थित एकत्र करा आणि त्वचेवर चोळा.

त्यानंतर साधारण १५ मिनिटांनी नुसत्या पाण्याने त्वचा धुवून टाका. त्वचेमध्ये खूप छान फरक पडलेला दिसेल.