कॉन्ट्रास्ट रंगाच्या साडी- ब्लाऊजची निवड कशी करावी? ५ टिप्स- परफेक्ट रंगसंगतीमध्ये दिसाल स्मार्ट
Published:September 24, 2024 12:46 PM2024-09-24T12:46:34+5:302024-09-24T12:51:33+5:30
हल्ली साडीवर मॅचिंग ब्लाऊजच असायला पाहिजे, असं काही नसतं. कॉन्ट्रास्ट रंगाच्या साडी- ब्लाऊजची सध्या खूप क्रेझ आहे. पण बऱ्याचदा अशा विरोधी रंगांच्या साडी- ब्लाऊजची निवड करताना कोणत्या साडीवर कोणत्या रंगाचं ब्लाऊज घालावं, हे लक्षात येत नाही. म्हणूनच या काही टिप्स बघा आणि नवरात्रीसाठी कॉन्ट्रास्ट रंगाच्या साडी- ब्लाऊजचं छान कलेक्शन तयार करा...
लाल आणि हिरवं हे कॉम्बिनेशन ऑलवेज हीट असतं. त्यामुळे लाल रंगाची साडी नेसणार असाल तर त्यावर हिरवं ब्लाऊज घाला.
तसेच उलट करा. हिरव्या रंगाची साडी असेल तर त्यावर लाल ब्लाऊज अगदी छान खुलून दिसेल.
पण तेच जर पोपटी किंवा फिकट हिरव्या किंवा मोरपंखी रंगाची साडी असेल, तर त्यावर मात्र गुलाबी रंगाचं ब्लाऊज घाला.
जर पिवळ्या रंगाची साडी नेसणार असाल तर त्यावर गुलाबी, लाल, हिरवं, जांभळं या रंगांचं ब्लाऊज छान दिसेल.
मोतिया रंगाची साडी असेल तर शक्यतो त्या साडीवर लाल रंगाचं ब्लाऊज घालण्यास प्राधान्य द्या.
गुलाबी रंगाच्या साडीवर काळं किंवा डार्क जांभळं ब्लाऊज छान दिसेल.