वजन घटवण्यासाठी भात कशाला सोडता? 'या' पद्धतीनं भात शिजवा, अजिबात वाढणार नाही वजन

How to eat white rice to lose weight : तांदूळ उकळत्या पाण्यात टाकावा आणि जास्तीचे पाणी काढून टाकावे, त्यामुळे धान्यातील अतिरिक्त स्टार्च निघून जाते

वजन कमी करण्यासाठी काहीजण भात खाणं पूर्ण बंद करतात तर काहीजण चपाती कमी खातात. वजन कमी करायचं असेल किंवा पोटाचा घेर कमी करायचा असेल तर भात खाणं सोडावं लागतं असा समज लोकांच्या मनात आहे. पण आहारतज्ज्ञांच्यामते तुम्ही चांगला आहार घेऊनही वजन कमी करू शकता. तांदळात फॅट्सचे प्रमाण कमी असते. तांदूळ हे ग्लूटेन फ्री असतात. ज्यात व्हिटामीन्सही असतात. पांढरे तांदूळ घालून तुम्ही वजन नियंत्रणात ठेवू शकता. ( Best way to cook rice for weight loss)

फक्त एकवेळच्या जेवणातच पांढरा भात घ्या. यामुळे अन्नातील कॅलरीज वाढणार नाहीत. याशिवाय तुम्ही कोणताही आहार घेत असाल, जर तो कमी कार्बोहायड्रेट आहार असेल तर त्यानुसार भात खा आणि जेवणातून उर्वरित कार्ब्स कमी करा.

इतर कार्ब्सच्या तुलनेत भात खाल्ल्यानंतर लवकर भूक लागते. यामुळे तुमचं फूड इंटेक वाढते. म्हणूनच भाताबरोबर ब्रोकोली, बीन्स, चिकन ब्रेस्ट खा. यात फायबर्स आणि प्रोटीन्सही असतात.

तांदूळ शिजवण्याची योग्य पद्धत कोणती?

नियती नाईक (क्लिनिकल डाएटिशियन) सांगतात की, तांदूळ उकळत्या पाण्यात टाकावा आणि जास्तीचे पाणी काढून टाकावे, त्यामुळे धान्यातील अतिरिक्त स्टार्च निघून जाते.

या पद्धतीमध्ये पाण्यात विरघळू शकणारी जीवनसत्वे देखील निघून जातात. त्यामुळे भात खायला घेण्याच्या काही तास आधी शिजवावा व थंड होऊ द्यावा. यामुळे भातामध्ये रेजिस्टन्स स्टार्च तयार होते.

शरीरात पोटासाठी चांगले बॅक्टेरिया वाढीस चालना मिळते. अशाप्रकारे रक्तातील शर्करा स्तराचे संतुलन अधिक चांगल्या पद्धतीने होते

बैठ्या जीवनशैलीमुळे, अव्यवस्थित पचनामुळे होणारे आजार टाळले जातात व वजन देखील नियंत्रणात राहते.

(कोकिलाबेन धीरूभाई अंबानी हॉस्पिटल, मुंबई)