1 / 7पंचविशी- तिशीच्या वयातच गुडघे ठणकू लागल्याची तक्रार अनेक जण करतात. वयाचा आणि गुडघे दुखण्याचा आता काही संबंध राहीलेला नाही.2 / 7हल्ली प्रत्येकाचीच चालण्याची सवय खूप कमी झाली आहे. जवळपास जाण्यासाठीही आपण गाडीचा वापर करतो. पायऱ्यांऐवजी लिफ्ट वापरतो. त्यामुळे कमी वयातच गुडघे कुरकुरायला लागतात. तुम्हालाही हा त्रास होत असेल तर आलिया भट, करिना कपूर यांच्यासारख्या सेलिब्रिटींनी फिटनेस ट्रेनिंग देणाऱ्या अंशुका परवानी यांनी सांगितलेला हा एक सोपा उपाय करून पाहा.3 / 7याविषयीचा व्हिडिओ त्यांनी इन्स्टाग्रामवर शेअर केला असून यामध्ये त्या सांगतात की गुडघेदुखी कमी करण्यासाठी उत्कटासन करणे अतिशय उपयुक्त ठरते.4 / 7उत्कटासन करण्यासाठी सरळ उभे राहा. त्यानंतर गुडघे वाकवून हिप्सचा भाग खाली घ्या. आपण खुर्चीवर ज्या पद्धतीने बसतो, त्या पद्धतीने तुमची आसनस्थिती ठेवा.5 / 7हे आसन करताना दोन्ही हात समोरच्या दिशेने किंवा वरच्या दिशेने सरळ ठेवा. सुरुवातीला हे आसन करणे जड जाईल. त्यामुळे काही दिवस तुम्ही खुर्ची किंवा भिंतीची मदत घेऊनही उत्कटासन करू शकता. 6 / 7याशिवाय गुडघेदुखी कमी करण्यासाठी अशा पद्धतीचा सायकलिंग व्यायाम करणेही फायद्याचे ठरते.7 / 7एकपाद हस्तासन केल्यानेही गुडघेदुखीचा त्रास बऱ्यापैकी कमी होतो. यापैकी तुम्हाला जमतील ते व्यायाम नियमितपणे करा. तेथील स्नायू मोकळे होऊन गुडघेदुखीचा त्रास कमी होईल.