रेस्टॉरंटसारखा कुरकुरीत मसाला डोसा घरी करायचा? ५ खास टिप्स- डोसा करण्यात व्हाल एक्सपर्ट
Published:August 20, 2024 05:42 PM2024-08-20T17:42:43+5:302024-08-20T17:55:22+5:30
मसाला डाेसा हा अनेकांचा आवडीचा मेन्यू.. गरमागरम भाजीसोबत कुरकुरीत क्रिस्पी डोसा खाण्याची मजाच काही वेगळी. पण आपण हा प्रयोग घरी करायला गेलो तर तो अनेकदा फसतो. (how to make masala dosa?)
कधी डोसा भाजी टाकल्याने अगदीच मऊ होऊन जातो तर कधी तव्यालाच चिटकून बसतो. मग तो जळका डोसा काढता काढता नाकी नऊ येतात. म्हणूनच आता साऊथ इंडियन स्टाईल कुरकुरीत मसाला डोसा घरी करणार असाल तर या काही गोष्टी नक्की लक्षात ठेवा.. काही दिवसांतच तुम्ही डोसा करण्यात एकदम एक्सपर्ट होऊन जाल... (5 tips that will make you expert in making masala dosa)
सगळ्यात पहिली गोष्ट म्हणजे डोसा करण्याचं पीठ खूप घट्ट किंवा खूप पातळ नको. ते चमच्यातून झरझर पडेल असं हवं.. (5 simple tricks and tips for making perfect masala dosa)
दुसरी गोष्ट म्हणजे डोसा नेहमी नॉनस्टिक पॅनवर करा. शिवाय तवा गरम होऊ द्या पण खूप कडक तापू देऊ नका. तवा तापल्यानंतर त्याला तेल लावा. नंतर त्यावर पाणी शिंपडा आणि पाण्याचे बुडबुडे तव्यावर असतानाच त्यावर डोसा करण्यासाठी पीठ टाका.
डोसा जेव्हा खालच्या बाजुने पुर्णपणे भाजून होईल, आणि तुम्ही तो जेव्हा तव्यावरून काढणार असाल त्याच्या थोडंसं आधी त्यावर भाजी टाका. नाहीतर डोसा भिजट होतो आणि त्याचा कुरकुरीतपणा निघून जातो.
मसाला डोसा करताना त्यावर कधीच खूप भाजी घालू नका. भाजीचा पातळ थर घाला आणि तो ही मधल्या थोड्या जागेत. भाजी डोस्यावर पुर्णपणे पसरवून टाकू नका.
डोसा नेहमी मध्यम आचेवर करा. गॅस मोठा किंवा खूप लहान ठेवू नका.