आजचा रंग ग्रे : करड्या रंगाचे हे ७ चविष्ट पदार्थ खाल्ले तर वर्षभर तब्येत राहील ठणठणीत...

1 / 8

आपल्यापैकी काहीजण नवरात्रीचे संपूर्ण नऊ दिवस उपवास धरतात. उपवासाबरोबरच काहीजण हे नऊ दिवसांचे नवरंग अतिशय आवडीने व हौसेने फॉलो करतात. कपड्यांचे हे नऊ रंग फॉलो करण्यासोबतच आपल्या रोजच्या आहारातही त्या विशिष्ट रंगाच्या पदार्थांचा समावेश केल्याने आपले आरोग्य देखील चांगले राखण्यास मदत होते(Today's Color Grey : Check out 7 Nutritious Grey Foods, Include In Your Diet).

2 / 8

ज्वारीमध्ये फायबरचे प्रमाण हे अधिक असते. रोजच्या आहारात ज्वारीच्या भाकरीचा समावेश केल्यास गॅसेस, बद्धकोष्टता, पोट साफ न होणे, यांसारख्या अनेक पोटाच्या समस्या दूर करण्यास मदत होते.

3 / 8

कारळे किंवा खुरसणी ही तेलबियांपैकी एक आहे. त्यापासून केलेली कारळ्याची चटणी हा महाराष्ट्रीय जेवणातील अस्सल गावरान पदार्थ आहे. कारळ्याची चटणी आणि ज्वारीची भाकरी खायला अतिशय पौष्टिक व चविष्ट लागते.

4 / 8

आपल्या पचनक्रियेसाठी सब्जा अतिशय लाभदायक आहे. सब्जामध्ये फायबरची मात्रा भरपूर असते, ज्यामुळे पचनक्रिया सुरळीत सुरू राहते. आपण दिवसभरात कधीही सब्जाचे पाणी पिऊ शकता. यामुळे अन्नाचे पचन सहजरित्या होण्यास मदत होते.

5 / 8

बाजरीच्या पिठाची भाकरी तर आपण नेहमीच खातो. परंतु काहीतरी वेगळं खायचा मूड झाला की आपण हेच बाजरीचे पीठ, रवा, दही भिजवून त्याचे झटपट डोसे तयार करुन खाऊ शकतो.

6 / 8

आपण ज्वारी - बाजरी - नाचणी ही तिन्ही पीठ वापरुन त्याचे छान पौष्टिक आंबील बनवू शकतो. ज्याला इंग्रजीत 'ब्रॉथ' म्हणतात तसा हा प्रकार आहे, जाडसर पेय,भूक आणि तहान दोन्ही शमवण्यासाठी आंबील पिणे हे फायदेशीर ठरते.

7 / 8

काळी उडदाची डाळ ही आरोग्यासाठी अनेक स्वादिष्ट व फायदेशीर डाळींपैकी एक आहे. आपण काळ्या उडदाच्या डाळीला खमंग फोडणी देऊन त्याची चविष्ट व रुचकर उसळ बनवून खाऊ शकता. काळ्या उडीद डाळीमध्ये मॅग्नेशियम, पोटॅशियम, लोह आणि कॅल्शियम इत्यादी आवश्यक खनिजे आणि जीवनसत्त्वे असतात.

8 / 8

काळ्या द्राक्षांचा रोजच्या डाएटमध्ये समावेश केल्याने शरीरातील अशक्तपणा कमी होण्यास मदत होते. कारण त्यात भरपूर प्रमाणात लोह, व्हिटॅमिन - बी असते. हे लाल रक्तपेशींच्या वाढीस मदत करते.