गुढीपाडवा स्पेशल: श्रीखंड केलं की त्यात ५ पदार्थ नक्की घाला, श्रीखंड लागेल अजून खास

गुढीपाडव्याच्या दिवशी श्रीखंड पुरीचा बेत आवर्जुन केलाच जातो. श्रीखंडाचा या दिवशी मोठाच मान असतो. म्हणूनच ते जास्त चवदार होण्यासाठी त्यात पुढे सांगितलेले काही पदार्थ आठवणीने घालून पाहा..

केशरामुळे श्रीखंडाला जास्त छान स्वाद येतो. त्यामुळे केशराच्या ७ ते ८ काड्या अगदी चमचाभर कोमट पाण्यात काही वेळ भिजत ठेवा आणि ते पाणी श्रीखंडात घाला. श्रीखंडाचा रंग आणि स्वाद खुलेल.

श्रीखंडाला उत्तम स्वाद येण्यासाठी थोडीशी वेलची पावडर सुद्धा आवर्जून घाला.

श्रीखंडाला जर जायफळाची जोड दिली तर ते अधिक चवदारही होतं शिवाय आरोग्यासाठीही अधिक उत्तम ठरतं.

श्रीखंडामध्ये थोडा सुकामेवा हवाच. त्यामुळे काजू, बदाम, पिस्ता यांचे काप श्रीखंडात घालायला विसरू नका.

श्रीखंड घट्ट आणि रवाळ होण्यासाठी काही जणी त्यामध्ये थोडीशी मिल्क पावडर सुद्धा घालतात. यामुळे श्रीखंडाचा फ्लेवर आणि टेक्स्चर बदलते.