केमिकल्स असणारी विकतची आलं- लसूण पेस्ट घेण्यापेक्षा घरीच तयार करा, महिनाभर टिकेल- बघा रेसिपी

कोणत्याही मसालेदार पदार्थाची चव आणखी खुलविण्यासाठी लागणारे दोन मुख्य पदार्थ म्हणजे आलं आणि लसूण

आलं- लसूण पेस्ट मसालेदार भाज्यांमध्ये पाहिजेच. अशावेळी आपलं काम सोपं आणि झटपट व्हावं म्हणून आपण विकत मिळणाऱ्या आलं- लसूण पेस्ट भाज्यांमध्ये वापरतो.

पण त्यामुळे पदार्थाला छान खमंग झणझणीतपणा येत नाही. शिवाय विकत मिळणाऱ्या आलं- लसूण पेस्टमध्ये खूप केमिकल्स आणि प्रिझर्व्हेटीव्हही घातलेले असतात. त्यामुळे त्या खाण्यापेक्षा घरच्याघरी अगदी महिनाभर चांगली टिकणारी आलं लसूण पेस्ट कशी करायची पाहा..

यासाठी आलं आणि लसूण याचं प्रमाण १: २ या प्रमाणात घ्या. हे पदार्थ थोडासा लिंबाचा रस आणि तेल घालून मिक्सरमधून फिरवून अगदी बारीक करून घ्या.

त्यानंतर त्यामध्ये थोडंसं मीठदेखील टाकून ठेवा. मीठ, लिंबू आणि तेल या नॅचरल प्रिझर्व्हेटीव्हमुळे या पेस्ट जास्त दिवस टिकतात.

एखाद्या एअरटाईट डब्यात भरून त्या फ्रिजमध्ये ठेवल्यास महिनाभर तरी त्या पेस्ट उत्तम राहतात. त्यांचा सुगंध आणि चव दोन्हीही अजिबात खराब होत नाही.