फळांच्या परडीमध्ये ताडगोळा तर हवाच, उन्हाळ्याच्या दिवसांमध्ये शरीर हायड्रेटेड ठेवण्यासाठी उत्तम पर्याय

Ice Apple Is A Great Option To Keep The Body Hydrated During Summer Days : शरीराला थंडावा आणि पोषण देणारे हे फळ खायलाच हवे. पाहा ताडगोळ्याचे फायदे.

प्रत्येक ऋतूमध्ये काही खास फळे व भाज्या खायला मिळतात. सिझनल पदार्थ खाणे शरीरासाठी फार चांगले असते. प्रत्येकाने अशा फळांचा आस्वाद घ्यायलाच हवा.

उन्हाळ्यामध्ये फळांची मेजवानी आपण खातो. वर्षभरात खाल्ली नसतील एवढी फळे उन्हाळ्यामध्ये खाल्ली जातात. शरीराला भरपूर पाण्याची गरज असते. फळांमधून पाणी तसेच अनेक पोषकतत्वे मिळतात.

ताडगोळा हे उन्हाळी फळ आहे. मार्च एप्रिलमध्ये जागोजागी ताडगोळे विक्रेत्यांच्या गाड्या लागलेल्या असतात. फार रसाळ आणि गोड असे हे फळ उन्हामुळे होणाऱ्या त्रासांची तीव्रता कमी करण्यासाठी फायदेशीर ठरते.

ताडगोळ्यांमध्ये जीवनसत्त्व 'सी' भरपूर प्रमाणात असते. तसेच जीवनसत्त्व 'बी' ही असते. या फळामध्ये पोटॅशिअम असते. कॅल्शिअम असते. तसेच लोह असते आणि खनिजेही असतात.

ताडगोळा नैसर्गिक थंडाव्याचा स्त्रोत आहे. पोटाला थंडावा देण्याचे काम हे फळ करते. त्यामुळे उष्णतेचा त्रास कमी होऊन आराम मिळण्यासाठी या फळाची मदत होते. तसेच यामध्ये पाण्याचे प्रमाण भरपूर असते.

उन्हामुळे चक्कर वगैरे येत असेल तर रोज एक ताडगोळा खाणे फायद्याचे ठरेल. शरीर हायड्रेटेड ठेवण्यासाठी उपयुक्त ठरते. या फळामध्ये अनेक गुणधर्म असतात.

अपचनाचा त्रास असल्यास ताडगोळा नक्की खायला हवा. पोट साफ होण्यासाठी मदत होते. पचनसंस्था अगदी व्यवस्थित चालते. बध्दकोष्ठतेचा त्रास असेल तर तो ही दूर होतो.

वजन कमी करण्यासाठी ताडगोळ्यांचा उपयोग होतो. पोटाला आधारही मिळतो आणि शरीराला पाणीही मिळते. मात्र वजन वाढवणाऱ्या घटकांचे प्रमाण या फळामध्ये अगदीच कमी असते.

ताडगोळे खाल्ल्याने स्नायूंचे आरोग्य सुधारते. मज्जातंतुंसाठीही हे फळ उत्तम असते. मधुमेहाचा त्रासही कमी होतो.