द्राक्षांचा सिझन संपत आला, पाहा भरपूर द्राक्षं खाण्याचे फायदे! आंबटगोड द्राक्षं खा पोटभर

see the benefits of eating lots of grapes : मस्त गोड द्राक्ष खाणे शरीरासाठी अत्यंत फायदेशीर आहे. रोज द्राक्षे खा. आनंदी राहा.

फळे खाल्याने आरोग्य सुधारते हे आपण जाणून आहोत. मात्र कोणत्या फळाचा काय उपयोग असतो. ते ही जाणून घेणे गरजेचे असते. काही फळे आपण आवडीने खातो मात्र त्यांचे फायदे आपल्याला माहिती नसतात.

असेच एक फळ म्हणजे द्राक्ष. द्राक्षाचे विविध प्रकार असतात. महाराष्ट्रामध्ये हिरवी द्राक्षे जास्त प्रमाणात खाल्ली जातात. छान ताजी रसाळ द्राक्षे खाणे शरीरासाठी फार उपयुक्त ठरते.

सुकामेवा आरोग्यासाठी पौष्टिक असतो. आपण काळ्या मनुका रात्री भिजवून खातो. तसेच पिवळ्या मनुकाही पौष्टिक असतात. या मनुका द्राक्षे सुकवून तयार केल्या जातात.

द्राक्षांमध्ये अँण्टी ऑक्सिडंट्स असतात. शरीरासाठी हा घटक फार महत्त्वाचा असतो. पोषणासाठी तसेच मानसिक ताण कमी करण्यासाठी हा घटक उपयुक्त ठरतो.

द्राक्षामध्ये पॉलीफेनॉल असते. तसेच त्यामध्ये रेझवेराट्रोल असते. हे दोन्ही घटक शरीराची रोगप्रतिकारक क्षमता वाढवण्यासाठी फायदेशीर ठरतात.

जर झोप वेळेवर येत नसेल तर द्राक्षे खाणे उपयुक्त ठरु शकते. कारण द्राक्षामध्ये मेलाटोनिन असते. मेलाटोनिनमुळे हार्मोनल संतुलन चांगले राहते. झोपही चांगली लागते.

द्राक्षामध्ये जीवनसत्त्व 'सी' असते तसेच त्यामध्ये जीवनसत्त्व 'ई' असते. शरीरासाठी ही दोन्ही जीवनसत्वे महत्त्वाची असतात. द्राक्षांमुळे त्यांच्या पातळीमध्ये वाढ होते.

द्राक्षामध्ये फायबर असते. फायबर पचनसंस्थेसाठी गरजेचे असते. त्यामुळे द्राक्षे खाणे पचनक्रियेसाठी फायद्याचे असते. तसेच त्यामध्ये खनिजे असतात हाडांसाठी खनिजे महत्त्वपूर्ण असतात.