कुकरची शिट्टी होताच आतलं पाणी फसफसून बाहेर येतं? ३ टिप्स- कुकरच्या शिट्ट्या होतील मस्त

कुकरची शिट्टी झाली की वरणातलं किंवा कुकरमध्ये जो कोणता पदार्थ असेल त्यातलं पाणी शिट्टीतून बाहेर येतं. त्यामुळे मग कुकरचं झाकण, गॅस शेगडी, ओटा असं सगळंच खराब होऊन जातं.

असं होऊ नये म्हणून या काही टिप्स तुमच्या नक्कीच उपयोगाला येऊ शकतात..

पहिली गोष्ट म्हणजे कुकरचं झाकण लावण्यापुर्वी शिट्टीच्या आतल्या बाजुने थोडं तेल लावा.

दुसरी गोष्ट म्हणजे जर कुकरमध्ये डाळ, तांदूळ, राजमा, चणे शिजवायला लावणार असाल तर त्यामध्ये थोडं तेल घाला. असं केल्यानेही त्यातलं पाणी शिट्टीसोबत बाहेर येत नाही.

कुकर लावल्यावर गॅसची फ्लेम नेहमी मध्यम असावी. मोठी फ्लेम करून अन्न शिजवल्यावर बऱ्याचदा शिट्टीतून पाणी बाहेर येतं.