बाल्कनीत वर्षभर रंगबेरंगी फुलं हवी? ५ रोपं लावा- सुंदर फुलांनी नेहमीच सजलेली राहील बाग

काही लोकांना फुलझाडांची खूपच आवड असते. तुम्हालाही तशीच आवड असेल आणि तुमच्या बाल्कनीचा किंवा बागेचा एखादा कोपरा फुलझाडांनी भरून टाकायचा असेल तर या काही रोपांची निवड करा

वर्षभर फुलंं देणारं रोप म्हणजे ऑफिस टाईम. हिवाळ्यात याला येणाऱ्या फुलांचं प्रमाण वाढतं. उन्हाळ्यात थोडं कमी होतं, पण फुल मात्र नक्की येतात.

दुसरं आहे छोटे चिनी गुलाब. अगदी छोट्याशा कुंडीतही तुम्ही ते लावू शकता. गुलाबी, केशरी, पिवळा, पांढरा अशा वेगवेगळ्या रंगात ते येतं.

तिसरं म्हणजे लँटिना. लँटिनाला जांभळी, गुलाबी, केशरी, पांढरी अशी वेगवेगळ्या रंगाची सुंदर नाजूक फुल येतात. एखाद्या ऋतूमध्ये फुलांचं प्रमाण कमी होतं. पण मोठा खंड मात्र पडत नाही.

जास्वंदाचं रोपही बारमाही फुल देणार आहे. वेगवेगळ्या रंगाची जास्वंद आणून तुम्ही कुंडीत सजवू शकता.

इझोराला देखील नेहमीच फुलं येतात. आणि ती फुलं गुच्छाने येतात. त्यामुळे ते रोप आणखीच छान बहरलेलं दिसतं.