पोटदुखी ते कोलेस्टेरॉल- मधुमेहापर्यंत कित्येक दुखण्यांवर असरदार उपाय म्हणजे १० जादुई बिया! रोज खाल तर..
Published:July 10, 2024 11:59 AM2024-07-10T11:59:26+5:302024-07-10T14:24:48+5:30
आपल्या स्वयंपाक असे अनेक लहानसहान पदार्थ किंवा बिया, दाणे असतात, ज्यांच्याकडे आपण दुर्लक्ष करतो. पण तेच पदार्थ अनेक आजार पळवून लावण्यासाठी उपयुक्त ठरतात.
ते पदार्थ नेमके कोणते याविषयीची माहिती आहारतज्ज्ञांनी dietitian_manpreet या इन्स्टाग्राम पेजवर शेअर केली आहे. यात त्यांनी सांगितलेला पहिला पदार्थ आहे बडिशेपाचे दाणे. कॉन्स्टीपेशनचा त्रास असेल तर दररोज दुपारचं जेवण झाल्यानंतर बडिशेपाचा काढा प्या. पोट साफ राहील.
दररोज भाेपळ्याच्या बिया खाल्ल्याने इन्सुलिन सेन्सिटीव्हीटी वाढते. त्यात मॅग्नेशियम भरपूर प्रमाणात असतं.
सुर्यफुलाच्या बिया चयापचय क्रिया म्हणजेच मेटाबॉलिझम सुधारण्यास मदत करतात.
रोजच्या जेवणात तीळ नियमितपणे खा. त्यात असणारे कॅल्शियम हाडांचे दुखणे कमी करते.
अळीवाचे दाणे नियमितपणे खाल्ल्यास केस गळणं कमी होतं.
चिया सीड्स दरराेज खाल्ल्याने ओमेगा ३ आणि इतर काही घटक असतात, जे त्वचेसाठी अतिशय उपयुक्त ठरतात.
जवसाचे दाणे नियमितपणे खाल्ल्यास कोलेस्टेरॉल कमी होण्यास मदत होते.
रात्री धणे पाण्यात भिजत घाला आणि दररोज सकाळी ते गाळून प्या्. यामुळे शरीरावरची सूज कमी होते तसेच थायरॉईडचा त्रास कमी होतो.
सब्जाचं पाणी नियमितपणे प्यायल्यास रक्तातील साखरेची पातळी नियंत्रित राहाते.
ओव्याच्या नियमित सेवनाने पचनाशी संबंधित बरेच त्रास कमी होतात.