५९% भारतीय दररोज घेतात ६ तासांपेक्षा कमी झोप; कॅन्सरसह 'या' ७ आरोग्य समस्यांचा मोठा धोका

1 / 12

लोकलसर्कलने केलेल्या एका सर्वेक्षणातून असं दिसून आलं आहे की, ५९% भारतीय दररोज सहा तासांपेक्षा कमी झोप घेतात. यापैकी जवळजवळ निम्मे लोक आठवड्याच्या शेवटीही झोपेची कमतरता भरून काढू शकत नाहीत.

2 / 12

रिसर्चमधून असंही दिसून आलं की, ३८% भारतीयांना सुट्टीच्या दिवशी किंवा आठवड्याच्या शेवटीही झोपेची कमतरता भरून काढण्यासाठी संघर्ष करावा लागतो. झोप न येण्याने त्रस्त ७२% लोक रात्री वारंवार उठून वॉशरूममध्ये जातात.

3 / 12

वाढतं वय, अनियमित झोपेची पद्धत, मेटाबॉलिज्म, रात्री स्क्रीन टाइम, खाण्याच्या चुकीच्या सवयी आणि मद्यपान यासारखे घटक झोपेच्या व्यत्ययाची प्रमुख कारणं असल्याचं समोर आलं आहेत.

4 / 12

तज्ज्ञांच्या मते, प्रत्येक व्यक्तीने किमान ७ ते ८ तास झोप घेतली पाहिजे. जर तुम्ही ६ तासांपेक्षा कमी झोप घेतली तर त्याचा तुमच्या आरोग्यावर नकारात्मक परिणाम होऊ शकतो. पुरेशी झोप न मिळाल्याने कोणत्या आरोग्य समस्या उद्भवू शकतात ते जाणून घेऊया.

5 / 12

झोपेचा अभाव शरीराच्या रोगप्रतिकारक शक्तीवर परिणाम करतो, ज्यामुळे आजारांचा धोका वाढतो. रिसर्चमधून असं दिसून आलं आहे की, झोप आणि रोगप्रतिकारक शक्ती यांच्यात संबंध आहे.

6 / 12

५ तासांपेक्षा कमी किंवा ९ तासांपेक्षा जास्त झोप घेतल्याने हृदयाच्या आरोग्यावर परिणाम होऊ शकतो. यामुळे हाय ब्लड प्रेशर, स्ट्रोक आणि हृदयरोगांचा धोका वाढतो.

7 / 12

अपुऱ्या झोपेचा संबंध कॅन्सरशी जोडला गेला आहे. रात्रीच्या शिफ्टमध्ये काम करणाऱ्यांमध्ये हा धोका आणखी जास्त असतो.

8 / 12

एका रात्रीची अपूर्ण झोप देखील मेंदूच्या कार्यावर परिणाम करू शकते. कमी झोपेमुळे लक्ष केंद्रित करण्याच्या आणि निर्णय घेण्याच्या क्षमतेवर परिणाम होतो असं रिसर्चमध्ये आढळून आलं आहे.

9 / 12

झोपेचा अभाव स्मरणशक्तीवर परिणाम करतो. रिसर्चमध्ये असं दिसून आले आहे की, चांगली झोप मेंदूची लक्षात ठेवण्याची आणि शिकण्याची क्षमता मजबूत करते.

10 / 12

अपुऱ्या झोपेमुळे वजन वाढण्याची शक्यता जास्त असते. २१,४६९ लोकांवर केलेल्या रिसर्चमध्ये असं आढळलं की जे लोक दिवसातून ५ तासांपेक्षा कमी झोपतात त्यांना लठ्ठपणाचा धोका जास्त असतो.

11 / 12

कमी झोप घेतल्याने शरीराच्या इन्सुलिन सेन्सिटिव्हीटीवर परिणाम होतो, ज्यामुळे टाइप २ मधुमेहाचा धोका वाढतो. नियमितपणे ७ ते ८ तास झोप घेतल्याने मधुमेहाचा धोका कमी होऊ शकतो.

12 / 12

पुरेशी झोप केवळ शारीरिकच नाही तर मानसिक आरोग्यासाठी देखील आवश्यक आहे. म्हणून, तुमच्या झोपेची दिनचर्या संतुलित ठेवा आणि चांगल्या आरोग्यासाठी दररोज ७-८ तास झोप घेण्याचा प्रयत्न करा.