५ मिनिटे कानाला मसाज करा आणि व्हा रिलॅक्स! बसल्याबसल्या शरीराला मिळेल आराम

Massage your ears for 5 minutes Your body will feel relaxed : दिवसातून दोन ते तीन वेळा कानांना मसाज करा. अनेक फायदे आहेत. पाहा कानाला मसाज केल्याने काय होते.

दिवसभर काम करुन शरीर अगदी थकून जाते. अशा वेळी जर मसाज करुन मिळाला तर मग मन अगदी प्रसन्न होते. तसेच फ्रेशही वाटते. हातापायाला तर आपण मसाज करतो पण कधी कानाला मसाज करता का?

मसाज आपण दुखऱ्या अवयवांचा करतो. पाय दुखतात तसेच हात दुखतो. पाठ दुखते. कंबर दुखते म्हणून मग आपण त्या अवयवांचा मसाज करतो. कान हातापायांसारखा दुखत नाही. मात्र कानाला मसाज केल्याने अनेक फायदे मिळतात.

हाताच्या बोटांनी कानाला नाजूक मसाज करायचा. फार जोर द्यायचा नाही. हलक्या हाताने मसाज केल्याने शारीरिक आराम मिळतो. तसेच मानसिक शांतताही मिळते.

झोपण्याआधी कानाला मसाज केल्याने झोप फार शांत लागते. कानाला मसाज केल्याने डोके शांत होते. तसेच पेशींना आराम मिळतो. स्ट्रेस कमी होतो. डोक्यातील विचार कमी होतात. त्यामुळे झोप छान लागते.

कानामागचे पॉईंट चोळल्याने डोळ्यांनाही फायदा मिळतो. कानाला मसाज केल्याने रक्ताभिसरण व्यवस्थित होते. त्यामुळे डोळ्यांनाही फायदा होतो. डोळ्यांना आराम मिळतो.

रोज काही मिनिटांसाठी कानाला मसाज केल्याने पल्स रेट तसेच ब्लड प्रेशल व्यवस्थित राहते. शरीरातील विविध अवयवांना शांतता मिळते.

डोकेदुखीचा त्रास अनेकांना असतो. डोके एकदा ठणकायला लागले की मग बराच वेळ दुखते. डोकेदुखीवरही कानामागे मसाज करणे उपयुक्त ठरते. कानाच्या मागील पॉईंटना मसाज केल्याने डोक्याला आराम मिळतो.

दिवसातून दोन ते तीन वेळा असा मसाज स्वतःहून करणे सहज शक्य आहे. अलगद हाताने कानाच्या पाळ्या तसेच कानामागचे पॉईंट प्रेस करायचे. हा मसाज नक्कीच फायद्याचा ठरेल.