त्याला 'ती' घमेंडी वाटायची, तिला 'तो' खडूस... अजय- काजोल 23 वर्षांच्या संसाराविषयी म्हणतात..

१. बॉलीवूडच्या ज्या काही सदाबहार जाेड्या आहेत, त्यापैकी एक म्हणजे काजोल आणि अजय देवगण.. तब्बल २३ वर्षांचा त्यांचा संसार.. ॲनिव्हर्सरीनिमित्त काजोलने इन्स्टाग्रामवर शेअर केलेली पोस्ट चांगलीच व्हायरल झाली आहे..

२. या पोस्टमध्ये काजोल म्हणते... ''Running, walking, limping, kicking, screaming here we are 23 years later. Do we deserve a medal or a look of awe? Either ways since we both know how u feel about award functions I’m taking a bow 🙇‍♀️ now 🙏.....'' या पोस्टवर काजोलच्या बहिणीने म्हटलंय की हे अगदी खरं आहे, यानिमित्त तुम्हाला दोघांनाही एकच नाही, तर खूप सारे मेडल्स दिले पाहिजेत आणि खूप मोठा पुरस्कार दिला पाहिजे...

खरंच आहे, आज बॉलीवूडच नाही, तर सर्वसामान्यांच्या दुनियेतही पटापट नाती तुटताना दिसत आहेत.. अशामध्ये अजय- काजोलचा २३ वर्षांचा सुखी संसार खरोखरंच उल्लेखनिय आहे..

४. काजोल आणि अजय १९९५ साली 'हलचल' या चित्रपटाच्या शुटिंगदरम्यान पहिल्यांदा भेटले. शुटिंगच्या पहिल्याच दिवशी काजोलला जेव्हा सेटवर एका कोपऱ्यात खाली मान घालून सिगारेट पित बसलेला अजय दिसला, तेव्हा त्याला पाहून तर तिने तोंड वाकडे केले होते.. पहिल्या भेटीत तिला तो अजिबातच आवडला नव्हता..

५. अजयचंही काही वेगळं नव्हतं. त्याला सुद्धा काजोलमध्ये खूप जास्त ॲटीट्यूट आहे, असं वाटायचं. तिची बडबड त्याला मुळीच आवडायची नाही. त्याला असं वाटायचं की ती खूपच जास्त घमेंडी आहे.

६. काम करता करता दोघं एकत्र आले, मैत्री म्हणण्या इतपत त्यांच्यात संवाद सुरू झाला होता. त्यावेळी काजोल दुसऱ्या कुणासोबत रिलेशनमध्ये होती. तिच्या बॉयफ्रेंडच्या तक्रारी ती अजयला सांगायची आणि अजय त्यावर सोल्यूशनही द्यायचा म्हणे. नंतर तिचं ब्रेकअप झालं आणि कधी ते दोघं एकमेकांकडे ॲट्रॅक्ट झाले त्यांचं त्यांनाही कळलं नाही..

७. त्यांच्या लव्हस्टोरीचा एक अजब किस्सा आहे. दोघांनीही एकमेकांना प्रपोज केलंच नाही म्हणे. साडेतीन चार वर्षे ते एकमेकांना डेट करायचे. सोबत फिरायचे. आता आपलं नातं मैत्रीच्या बरंच पुढं गेलंय हे त्यांना समजलं होतं. पण तरीही कुणी कुणाला प्रपोज केलेलं नव्हतं. त्यानंतर अख्खं आयुष्य एकमेकांसोबत घालवायला आपण तयार आहोत, हे त्यांनी जाणलं आणि लग्न करण्याचा निर्णय घेतला.

८. अजय देवगणच्या घरून त्यांच्या लग्नाला विरोध नव्हता. पण काजोलच्या घरी मात्र तिचा हा निर्णय फारचा पचलेला नव्हता. लग्नाऐवजी तिने तिच्या करिअरवर फोकस करायला पाहिजे, असं काजोलच्या घरच्यांचं म्हणणं होतं. काजोल ऐकायला तयारच नाही म्हटल्यावर काही दिवसांनी त्यांचा विरोध मावळला आणि दोघांचं १९९९ साली मराठी आणि पंजाबी या दोन्ही पद्धतींनी रितसर लग्न झालं.

९. लग्न झाल्यानंतर काजोलने आपल्या संसाराला प्राधान्य दिलं आणि बॉलीवूडमधला तिचा वावर कमी झाला. मोजकेच चित्रपट ती करायला लागली. न्यासा आणि युग अशी त्यांची दोन मुलं..

१०. लग्नानंतर त्या दोघांनी काही निवडक चित्रपटांमधून एकत्र काम केलं. तान्हाजी या चित्रपटात दिसलेली दोघांची जोडी पुन्हा एकदा त्यांच्या चाहत्यांना सुखावून गेली होती. मराठमोळ्या रूपात दिसलेले काजोल आणि अजय सगळ्यांना खूपच भावले होते.