1 / 8पारंपरिक लायटींगच्या माळा घरोघरी असतातच, पण काळ बदलला त्यानुसार घराची ठेवणही बदलली. म्हणूनच नव्या घराला साजेल-शोभेल अशा माळा खरेदी करायच्या असतील तर हे पाहा एकाहून एक छान पर्याय (Diwali Shopping lighting decoration ideas).2 / 8नेहमीच्या गोल आकाराच्या दिव्यांपेक्षा अशाप्रकारचे थोडे फॅन्सी फुलांचे दिवे असतील तर या माळा गॅलरी, घराचा दरवाजा, खिडकी अशा कुठेही लावल्या तरी छान दिसतात. 3 / 8पारंपरिक माळांप्रमाणेच दिसणारे पण थोडे चांगल्या दर्जाचे असे हे दिवे बल्ब लावल्यासारखे दिसतात. याच्या माळांचे रंगही नेहमीपेक्षा थोडे वेगळे असतात. मोठी गॅलरी असेल तर असे लाईटस फारच चांगले दिसतात. 4 / 8गेल्या काही वर्षात अशाप्रकारचे पणत्या, चांदण्या अशा आकाराच्या एलइडी लाईटच्या माळा मिळतात. या माळा दिसायला तर छान दिसतातच पण त्या वजनानेही हलक्या असतात.5 / 8आपल्याकडे घरातच असलेल्या पारंपरिक माळांना थोडा वेगळा लूक देऊ शकतो. यासाठी या माळांच्या मध्ये अशाप्रकारे पणत्यांच्या किंवा आपल्याला आवडतील तशा कादगाच्या माळा करुन सोडायच्या. यामुळे एक वेगळा आणि छान लूक येऊ शकतो.6 / 8घराच्या आत भिंतीवर किंवा खिडकीच्या आसपास या माळा लावायच्या असतील आणि लायटींगबरोबरच आणखी काही करुन घराची शोभ वाढवायची असेल तर अशाप्रकारे खोट्या पानांच्या, फुलांच्या माळा लायटींगसोबत सोडल्या तरी छान दिसतं. 7 / 8लाईटच्या माळांना थोडा वेगळा पर्याय म्हणून पाहत असाल तर बाजारात सध्या अशाप्रकारचे बरेच दिवे आले आहेत. अतिशय नाजूक पण सुंदर दिसणाऱ्या या दिव्यांचे रिफ्लेक्शनही खूपच छान पडते. 8 / 8फॅन्सी पण अतिशय सोबर दिसणाऱ्या या बरण्यांमधील लायटींग फारच सुरेख दिसते. अगदी टेबलवर किंवा घराच्या एन्ट्रन्सला आपण अशाप्रकारच्या लाईटच्या बरण्या मांडून ठेवू शकतो. या बरण्यांमध्ये बरेच रंग आणि आकार उपलब्ध असतात.