सोनं महागलं तरी गुढीपाडव्याला छोटासा दागिना घ्यायचाय? ५ पर्याय- मुहर्ताची खरेदी होईल जोरदार

सोन्याच्या किमती सध्या खूपच जास्त वाढलेल्या आहेत. पण तरीही गुढीपाडव्याचा मुहूर्त असा असतो की त्यावेळी बहुतांश लोक जमेल तसे थोडेफार का होईना पण सोने घेतातच.

तुम्हालाही सोन्याची खरेदी करायची असेल पण त्यासाठीचं बजेट मात्र थोडं कमी असेल तर या काही कमी वजनाच्या आणि कमी किमतीच्या सोन्याच्या दागिन्यांचा विचार तुम्ही नक्कीच करू शकता.

पहिला दागिना आहे नथ. मोत्याची सोन्यात जडवलेली नथ अगदी १- २ ग्रॅम एवढ्या वजनातही मिळेल.

कानातल्या मोत्याच्या कुड्याही कमी वजनात तयार करून घेता येतात. त्यासाठी बरेच कमी सोने लागते.

अनेक जणींना पारंपरिक वेशभुषा केल्यावर बुगड्या घालण्याची हौस असते. या बुगड्याही तुम्ही कमी सोन्यामध्ये घडवून घेऊ शकता.

मोरणी किंवा नथनी असे डेलीवेअरचे प्रकारही तुम्ही कमी वजनाच्या सोन्यात करून घेऊ शकता.

दोन ते तीन ग्राम वजनात रोजच्या वापरासाठी खूप छान नाजूकशी अंगठी मिळू शकते. त्याचाही विचार पाडव्याच्या मुहुर्तावर सोने खरेदी करताना नक्की करा.

ठुशी किंवा कोल्हापुरी साज हा दागिना ४ ते ५ ग्रॅममध्ये येतो. त्यामुळे बजेट जर थोडे जास्त असेल तर त्याचाही विचार करायला हरकत नाही.