शर्टची मळालेली कॉलर १ मिनिटांत होईल चकाचक- तुरटीचा छोटा तुकडा घेऊन करा 'हा' उपाय

कुठल्याही रंगाचा शर्ट घातला तरी त्याची कॉलर खूप मळते. पण पांढरा किंवा फिकट रंगाचा जर शर्ट असेल तर त्याची कॉलर जरा जास्तच मळालेली दिसते.

आणि महत्त्वाचं म्हणजे ती कितीही घासली तरीही मळकटच वाटते. किंवा आपल्याला पाहिजे तशी स्वच्छ होत नाही. म्हणूनच आता त्या कॉलरच्या स्वच्छतेसाठी काय उपाय करावा, याची माहिती घेऊया..

मळालेली काॅलर अगदी स्वच्छ कशी धुवायची याविषयी माहिती सांगणारा एक व्हिडिओ upadhyaykitchen या इंस्टाग्राम पेजवर शेअर करण्यात आला आहे.

यामध्ये असं सांगितलं आहे की मळालेली कॉलर आधी थोडी गरम पाण्याने ओली करा. त्यानंतर त्यावर तुरटीचा तुकडा थोडा रगडून घासा.

यानंतर त्यावर साबण लावा आणि पुन्हा थोडं गरम पाणी टाका. आता ब्रशने घासून पाहा. काॅलरचा मळकटपणा जाऊन ती स्वच्छ झालेली जाणवेल.