एका मिनिटांत किलोभर शेंगदाण्यांची टरफलं निघतील- बघा उपाय, काम होईल एकदम सोपं

1 / 6

नवरात्रीनिमित्त बहुतांश घरांमध्ये उपवास करण्याची परंपरा आहे. नऊ दिवस सलग उपवास असतात. त्यामुळे मग उपवासाचे वेगवेगळे पदार्थ करावे लागतात. उपवासाच्या पदार्थांमध्ये एक पदार्थ हमखास लागतोच आणि तो म्हणजे शेंगदाणे किंवा भाजलेल्या शेंगदाण्यांचा कूट. (how to peel off roasted peanut skin quickly?)

2 / 6

आता शेंगदाणे भाजणं किंवा त्याचा कूट करणं हे सोपं काम आहे. पण भाजलेल्या शेंगदाण्यांची टरफलं काढणं हे मात्र खूप अवघड काम आहे. ते काम अगदी सोप्या पद्धतीने कसं करायचं, ते पाहा.. (best home hacks to peel off roasted peanut)

3 / 6

शेंगदाण्यांची टरफलं चांगली आणि पटकन निघावी यासाठी सगळ्यात आधी ती चांगली खरपूस भाजली गेली पाहिजेत. जर शेंगदाणे चांगले भाजले गेले तरच त्यांची टरफलं चटकन मोकळी होतात.

4 / 6

दुसरी गोष्ट म्हणजे शेंगदाणे भाजण्यासाठी गॅस नेहमी मध्यम आचेवर ठेवावा. खूप मोठा गॅस करून घाईघाईने शेंगदाणे भाजू नका. यामुळे ते जळतात.

5 / 6

शेंगदाणे भाजून झाल्यानंतर ते बऱ्यापैकी कोमट होऊ द्या. त्यानंतर ते एका पिशवीमध्ये घाला. पिशवीमध्ये थोडं मीठ टाका आणि तिचे तोंड बांधून घ्या. त्यानंतर पिशवी जमिनीवर किंवा ओट्यावर ठेवा आणि हाताने जोर देऊन रगडा.

6 / 6

मीठाचे आणि शेंगदाण्याचे घर्षण होते आणि त्यांची टरफलं चटकन मोकळी होण्यास मदत होते. एखादा मिनिट हे केलं तरी पुरेसं आहे. त्यानंतर शेंगदाणे एखाद्या परातीमध्ये काढा आणि फटकून घ्या. टरफलं निघून जातील.