किम कार्दशियनसारख्या दिसणाऱ्या मॉडेलचा प्लास्टीक सर्जरीनं मृत्यू; सर्जरीचा काय परिणाम होतो, वाचा

1 / 10

किम कार्दशियनसारखी हुबेहूब दिसणारी मॉडेल क्रिस्टीना एश्टन हिचे वयाच्या ३४ व्या वर्षी निधन झाले आहे. किम कार्दशियन ही हॉलिवूडची प्रसिद्ध अभिनेत्री आहे. तिच्या सौंदर्यामागे लोक वेडे आहेत. बरेच लोक तिच्यासारखे दिसण्याची आकांक्षा बाळगतात. मॉडेल क्रिस्टीनाचीही अशीच इच्छा होती. (Kim Kardashian lookalike Christina Ashten, 34, dies of cardiac arrest after plastic surgery)

2 / 10

अनेक प्लास्टिक सर्जरीज करून तिने किमसारखी फिगर आणि चेहरा मिळवला. शस्त्रक्रियेनंतर ती हुबेहुब किमसारखी दिसायला लागली. यामुळे तिला चांगली फॅन फॉलोइंगही मिळाली. किमसारखे दिसण्यासाठी अनेक प्लास्टिक सर्जरी केल्यानंतर ती जगभरात प्रसिद्ध झाली. मात्र, क्रिस्टीनाचे वयाच्या अवघ्या ३४ व्या वर्षी हृदयविकाराच्या झटक्याने निधन झाले.

3 / 10

क्रिस्टीनाच्या कुटुंबियांनी सांगितले की, '२० एप्रिल रोजी सकाळी अंदाजे ४:३१ वाजता आमच्या कुटुंबातील एका सदस्याचा फोन आला, तो खूप मोठ्याने ओरडत होता आणि रडत होता.... तो म्हणाला क्रिस्टीना मरणाच्या दारात आहे. त्या एका फोनने आमचे जीवन उधवस्त केले.

4 / 10

किम कार्दशियनसारखी सुंदर दिसण्यासाठी क्रिस्टीनाने 11.12 कोटी रुपये खर्च केले. तिची कॉस्मेटिक सर्जरी करण्यात आली. मात्र, तेव्हापासून तिला अनेक वैद्यकीय समस्या उद्भवणं सुरू झालं होतं.

5 / 10

कॅनेडियन अभिनेता सँड वॉनने देखील BTS गायक जिमीनसारखे दिसण्यासाठी 12 कॉस्मेटिक शस्त्रक्रिया केल्या. ज्यामध्ये जबड्याची शस्त्रक्रिया, इम्प्लांट, फेस लिफ्ट, नाक सर्जरी, डोळा लिफ्ट, आयब्रो लिफ्ट, ओठ कमी करणे आणि इतर अनेक शस्त्रक्रियांचा समावेश होता. त्यांचाही काही काळापूर्वी मृत्यू झाला होता. या बातमीने त्याचे चाहते दु:खी झाले. मात्र, काही दिवसांनंतर किम कार्दशियन सारख्या दिसणाऱ्या क्रिस्टीना च्या मृत्यूने तिच्या चाहत्यांनाही धक्का बसला आहे.

6 / 10

ओठ, नाक, स्तन इत्यादी शरीराच्या विविध भागांना विशेष आकार आणि आकार देण्यासाठी प्लास्टिक सर्जरी केली जाते. याशिवाय जेनेटिक विकार आणि जन्मजात विकार बरे करण्यासाठीही याचा उपयोग वैद्यकीय शास्त्रात केला जातो. प्लास्टिक सर्जरीमध्ये पुनर्रचनात्मक शस्त्रक्रिया आणि कॉस्मेटिक शस्त्रक्रिया यांचा समावेश होतो.

7 / 10

डॉ. श्रीकांत यांनी एका हिंदी वेब साईटशी बोलताना सांगितले की, “कोणतीही शस्त्रक्रिया गुंतागुंतीशिवाय होत नाही. शस्त्रक्रियेचे यश किंवा अपयश हे सर्जनच्या कौशल्यावर अवलंबून असते. जरी असे अनेक अभ्यास आहेत जे असे सूचित करतात की अशा शस्त्रक्रियेचे कोणतेही गंभीर दुष्परिणाम होत नाहीत

8 / 10

प्लास्टिक सर्जरीमुळे गंभीर परिणाम होऊ शकतात. उदाहणार्थ लिपोसक्शनच्या बाबतीत, सर्जन मांड्या आणि खालच्या ओटीपोटातील चरबी काढून टाकतात. परंतु पुन्हा वजन वाढल्यास पेशी असमानपणे वाढू शकतात. तर कधी हृदयविकाराचा झटकाही येऊ शकतो.

9 / 10

प्लास्टिक सर्जरी केल्यानंतर रुग्णाला मुंग्या येणे आणि बधीरपणा येऊ शकतो. शस्त्रक्रियेत रक्त गळती होणे सामान्य आहे. यामुळे घातक परिणामांसह रक्तदाब कमी होऊ शकतो. शस्त्रक्रियेनंतर अंतर्गत रक्तस्त्राव देखील होऊ शकतो.

10 / 10

त्वचा रोगतज्ज्ञ सांगतात की, सर्जरीनंतरची जोखिम कोणीही 100% टाळू शकत नाही, परंतु सर्वात महत्वाची गोष्ट म्हणजे रुग्णाला शस्त्रक्रियेपूर्वी या जोखमींबद्दल माहिती देणे. अनुभवी कॉस्मेटिक सर्जन शोधणे आणि त्यांच्या मागील शस्त्रक्रियेची नोंद तपासणे हे देखील रुग्णाचे कर्तव्य आहे. तसेच, रुग्णाला शस्त्रक्रियेपूर्वी आणि नंतरची प्रक्रिया माहित असणे आवश्यक आहे.