गौरींच्या स्वागताला दारासमोर काढा नाजूक- सुंदर पाऊलं! बघा झटपट पाऊलं काढण्याची युक्ती

गणरायाचे आगमन झाल्यानंतर त्याच्या पाठोपाठच महालक्ष्मीचेही आगमन होते. काही ठिकाणी त्यांना गौरी, ज्येष्ठागौरी असंही म्हणतात. गौरी- गणपतीचा हा सण मोठाचा उत्साहाचा, आनंदाचा असतो.

महालक्ष्मी किंवा गौरीच्या सणात आपण दारापुढे मोठी रांगोळी तर काढतोच. पण त्याबरोबरच गौरीची नाजूक पाऊलंही घरभर आणि घराच्या मुख्य द्वारापाशी काढली जातात.

ती पाऊलं सुबक पद्धतीने कशी काढायची याच्या काही आयडिया पाहिजे असतील तर त्यासाठी या काही छान डिझाईन्स पाहा.

सगळ्यात सोपी ही एक पद्धत पाहा. अशा प्रकारची पाऊले अगदी झटपट काढून होतील.

वर सांगितलेल्या पाऊलांमध्ये हळदीचा आणि कुंकवाचा वापर करून तुम्ही अशा पद्धतीने त्यांना अधिक ठसठशीत करू शकता.

गौरीची पाऊलं काढण्याची ही आणखी एक सोपी पद्धत बघा. वर मोठा ठिपका आणि खाली छोटा ठिपका. तसेच बोटांचे पाच छोटे- छोटे ठिपके. एवढेच काढले तरी अशी सुरेख पाऊलं तयार होतात.

अशा पद्धतीचा पाऊलांचा आकारही खूप आकर्षक वाटतो. अगदी खरं पाऊल ठेवलं आहे, अशा पद्धतीचा भास ही पाऊलं पाहून होतो.

गौरीच्या मखरासमोर किंवा घराच्या मुख्य द्वारासमोर रांगोळी काढायची असेल तर अशा पद्धतीची सुंदर रांगोळी तुम्ही काढू शकता.

घराच्या मुख्य दारापाशी जर गौरीच्या सणादरम्यान रांगोळी काढायची असेल तर हे एक डिझाईन अतिशय सुंदर दिसेल.