कॅल्शियमचा सुपर डोस असणारे ७ पदार्थ, दूध-पनीर-चीज न खाताही मिळेल भरपूर कॅल्शियम

1 / 9

काही जणांना विशेषत: लहान मुलांना दूध प्यायला अजिबात आवडत नाही. काही जणांना दुग्धजन्य पदार्थ आवडत नाहीत. अशा लोकांनी कॅल्शियम मिळण्यासाठी पुढे सांगितलेले काही पदार्थ खावेत.

2 / 9

हे पदार्थ नियमितपणे खाल्ल्यास भरपूर प्रमाणात कॅल्शियम मिळते, अशी माहिती आहारतज्ज्ञांनी इन्स्टाग्रामच्या dietitian_manpreet या पेजवर शेअर केली आहे.

3 / 9

यापैकी सगळ्यात पहिला पदार्थ आहे रागी किंवा नाचणी. नाचणी सत्त्व लहानांपासून मोठ्यांपर्यंत सगळ्यांसाठीच पौष्टिक आहे. नाचणीच्या पिठाचे थालिपीठ, पराठे, डोसे तुम्ही आहारात घेऊ शकता.

4 / 9

दुसरा पदार्थ आहे राजगिरा. त्यामुळे राजगिरा लाह्या, चिक्की, लाडू असे पदार्थ घरात कायम ठेवावेत.

5 / 9

खसखशीतूनही भरपूर प्रमाणात कॅल्शियम मिळतं. त्यामुळे वेगवेगळ्या चटण्या, भाज्यांचे मसाले यामध्ये खसखशीचा वापर वाढवावा.

6 / 9

तीळ आपण संक्रांतीच्या काळातच जास्त खातो. पण तिळातूनही भरपूर प्रमाणात कॅल्शियम मिळते. त्यामुळे तिळाचा कूट नेहमी करून ठेवावा आणि तो भाज्यांमध्ये वापरावा. तसेच तिळाची चटणीही तुम्ही नियमितपणे खाऊ शकता.

7 / 9

सब्जा देखील कॅल्शियमचा खूप चांगला स्त्रोत आहे. ज्यूस, फ्रुट शेक यामाध्यमातून तुम्ही सब्जा खाऊ शकता.

8 / 9

भरपूर कॅल्शियम देणारा आणखी एक पदार्थ आहे कुळीथ. कुळीथाचे थालिपीट, पराठे आहारात नेहमीच असावेत.

9 / 9

कॅल्शियम मिळण्यासाठी मेथ्या देखील खायला पाहिजेत. रोजच्या वरणासाठी डाळ शिजवताना त्यात थोड्या मेथ्या टाकाव्या. जेणेकरून त्या रोज खाल्ल्या जातील. शिवाय वेगवेगळ्या पदार्थांतून मेथीची भाजीही आहारात नियमितपणे असावी.