कंबरेचा घेर दिवसेंदिवस वाढतोय? रोज ५ पदार्थ खा, नेहमी दिसा स्लिम- फिट

How to Reduce Waist Size : चिया सिड्स वजन कमी करण्यासाठी अनुकूल अन्न आहे, ज्यामध्ये फायबर असते. दररोज फक्त 2 चमचे चिया बियांचे सेवन केल्याने, 40 टक्के फायबरची गरज पूर्ण होते.

रोजच्या खाण्यात असे अनेक पदार्थ येत असतात ज्याच्या सेवनानं वजन वाढतं तर कधी शरीरातली अतिरिक्त चरबी वाढते. सडपातळ कंबर केवळ तुमचे व्यक्तिमत्व सुधारत नाही, तर आजारांपासूनही दूर ठेवते. पण बहुतेक लोक वजन कमी करू शकत नाहीत. (Include these weight loss foods into your weekly diet to get slim waist) त्यामुळे त्याच्या कंबरेचा आकार पूर्वीसारखाच राहतो.

वजन कमी न होण्यामागे अनेक कारणे आहेत. ज्यामध्ये वजन कमी करण्यासाठी आवश्यक असलेले पदार्थ आहारातून न मिळणे देखील समाविष्ट आहे. रोजच्या आहारात ६ पदार्थांचा समावेश करून तुम्ही वजन नियंत्रणात ठेवू शकता. (How to Reduce Waist Size)

चिया सिड्स

चिया सिड्स वजन कमी करण्यासाठी अनुकूल अन्न आहे, ज्यामध्ये फायबर असते. दररोज फक्त 2 चमचे चिया बियांचे सेवन केल्याने, 40 टक्के फायबरची गरज पूर्ण होते. चिया सिड्स भिजवून खाल्ल्यास पोट भरते आणि शरीर हायड्रेट राहते. चिया सिड्स खाल्ल्यानेही कॅलरीज कमी करता येतात.

अंडी

अंडी एक सुपरफूड आहे, जे वजन कमी करण्यास देखील मदत करते. त्यात भरपूर पोषक असतात. अंड्यांमध्ये कोलीन आणि व्हिटॅमिन डी सारखे पोषक घटक देखील असतात, जे अन्नातून मिळणे कठीण असते. अंड्यांमध्ये प्रथिने देखील असतात, ज्यामुळे ते मर्यादित प्रमाणात खाल्ल्याने वजन सहज कमी होऊ शकते.

अक्रोड

कॅलरीज न वाढवता एनर्जी मिळवण्यासाठी अक्रोड खावे. अनेक संशोधनांमध्ये असे दिसून आले आहे की अक्रोड खाल्ल्याने मेंदू भूक नियंत्रित करू लागतो. स्नॅक्स व्यतिरिक्त, तुम्ही ते रेसिपीमध्ये घालून देखील खाऊ शकता.

दही

नाश्त्याला किंवा दुपारच्या जेवणात दह्याचा समावेश असावा. त्यामुळे वजन नियंत्रणात राहते. दही हे एक चविष्ट अन्न आहे, जे आतड्यांच्या आरोग्यासाठी देखील चांगले आहे.

पॉपकॉर्न सहज कुठेही उपलब्ध होतात. पॉपकॉर्नमध्ये भरपूर फायबर असते. ज्यामुळे तुमचे वजन कमी होऊ शकते. पण यासाठी बटरमध्चे बनवलेले पॉपकॉर्न नव्हे तर वाळूत भाजलेले पॉपकॉर्न खा. 2 कप पॉपकॉर्न खाऊन तुम्ही वजन झपाट्याने कमी करू शकता.